amalinks wokungena

Breaking News

Isotsha leRussia Lithoniswa Icala Lokubulala Umuntu Owayetshova Ibhayisikili Kwele Ukraine


Isotsha lakwele Russia elimiswe emthethwandaba kwele Ukraine lisetheswa icala lokubulala umuntu obetshova intshelelezani.
Isotsha lakwele Russia elimiswe emthethwandaba kwele Ukraine lisetheswa icala lokubulala umuntu obetshova intshelelezani.

Kulesotsha lakwele Russia eselithoniswa icala lokubulala umuntu owayezihambela kwele Ukraine ngesikhathi eleRussia lisanda kuhlasela ilizwe leli.

Lokhu kuza ngesikhathi eleRussia lohlasela ngamandla kwele uKraine …

I-Associated Press ibika ukuba bekugcwele phamu intathelizindaba emthethwandaba eKyiv kwele Ukraine ngesikhathi uSayijeni Vadim Shyshimarin elethwa kuleyondawo. Umthethwandaba uthi wadubula umuntu owayezitshovela ibhayisikili eChupakhivka.

Ubefakwe ebhokisini elincane emthethwandaba lo njalo elindwe ngamasotsha lamapholisa abahlome baphelela. Uhulumende wakwele Ukraine uthi kulabantu abanengi ababulawa ngamasotsha akwele Russia anjengo Shyshimarin.

UMnu. Rejoice Ngwenya ocubungula ezombusazwe uthi lokhu kuthakazelelwa yinkokheli yamazwe entshonalanga.

Kodwa uMnu. Ngqabutho Mabhena, unobhala jikelele webandla leZimbabwe Communist Party, uthi akuqedakali ukuthoniswa kuka Shyshimarin.

Kusenjalo, uSenator Rand Paul izolo kusihkwa umise ukunikwa eleUkraine amabhiliyoni angamathumi amane amadollar – $40 billion yokuthenga izikhali, ukuhlenga abaphephela kwamanye amazwe lokunye. Sekuzathatha ivili ukuba idale leSenate lilungise udaba lolu. Kulabantu abanengi asebebulewe kwele Ukraine kulandela ukuhlaselwa kwelizwe leli ngele Russia ngoNhlalanja lonyaka.

XS
SM
MD
LG