Endabeni zethu lamhlanje ……………..
*** Kulabantu abathobaminwembili ababikwa befile ngemva kokuqhamuka kwentambo edonsa okubathwala besuka phansi eColleen Bawn Mine, eseGwanda. Umsebenzi wokuphumisa izidumbu zalaba bantu abahle bawela emgodini bafela khonapho, uyaqhubeka okwakhathesi.
*** Ingcwethi kwezenotho zithi lanxa zisamukela inyathelo likahulumende lokwehlisela abalezimali zabo umthelo we-duty nxa befuna ukuthenga izinto ezimqoka phandle kwelizwe ezifana lokudla, kubalulekile ukuthi uhulumende aqhube inhlelo ezilohlonzi ukuze kulungisiswe umnotho welizwe.
*** Uzulu we Zimbabwe uthi uhulumende kumele azame ukuphuma lenhlelo zokusiza abantu abampofu ngesikhathi intengo yezinto ezimqoka empilweni iqhubeka ikhuphuka elizweni.
*** EleZimbabwe selisehlelweni lokulwisana lentsha ephatheka ekuthatheni izidakamizwa. Abatsha abanengi sebesebenzisa izidakamizwa ezigoqela iheroine, cocanine, crystal methamphetamine. Inengi labathatha izidakamizwa lezi babikwa besezikolweni ikakhulu ezizimeleyo ezingekho phansi kukahulumende.
*** Ubudlwangudlwangu buphinde baphazamisa umdlalo obuphakathi kwamaqembu omdlalo wenguqu amakhulu elizweni athi ele Highlanders kanye lele Dynamos.
*** Kulivetalk namhlanje sikhangela ubudlwangudlwangu obuqhamuke izolo, emdlalweni wenguqu obuphakathi kwamaqembu amakhulu enguqu elizweni athi iHighlanders leDynamos.
Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.