amalinks wokungena

Breaking News

Inhloko ZeNdaba Nkwenkwezi 17, 2022


Inhloko ZeNdaba

Washington DC......Endabeni zethu lamhlanje

*** Uhulumende namuhla wesule umthetho obuvimba amabhanga ukukweledisa uzulu lamankampani izimali. Lumthetho ubangele ukukhwela kwentengo yezinto lokuthi amabhizimusi amanengi avale inhlelo zokuthengisela uzulu ngezikwelede. Ngalokunye uhlangothi uhulumende usethule uluhlu lwezinto athi abantu sebevunyelwa ukuzithenga kwamanye amazwe ngaphandle komthelo we-duty. Lezizinto zigoqela impuphu, itshukela, isawudo, amafutha okupheka lokunye okutshiyeneyo.

*** Abahlengi beVumbachikwe Mine sebekhiphe izidumbu zabanye abembi kulandela ukuwela kwabo emgodini weBucks Mine eCollen Bawn ngoMgqibelo.Abembi laba bawele emgodini odlula amamitha angamakhulu amabili lamatshumi amane 240m ngemva kokuqamuka kwentambo yomtshina abawusebenzisa lapho bephuma emgodini.

*** Umthethwandaba weHigh Court walise ikolitshi leHarare Institute ukuhlawulisa abafundi ingxenye ye-school fees ngedola leMelika. UMahluli uJustice Hapias Zhou unqume izolo ukuthi lokhu akukho emthethweni.

*** Isinqumo sikahulumende sokwesula umthelo we duty kumphahla enengi esentshenziswa zimuli, sesiyamukelwe ngenjabulo ngabanye abeZimbabwe kweleBotswana. Kulenengi labeZimbabwe elichapha umngcele lisiyathenga imphahla kweleBotswana ngoba intengo, noma nje lakho sekudula, zinganeno kulekhaya.

*** Usephelelwe ngumsebenzi umqeqetshi weqembu lomdlalo wenguqu ele Highlanders uMandla Mpofu.

*** Kulivetalk namhlanje kuhlelo ‘The Connection’ sikhangela okwenziwa ngabasakhulayo ngokuphathelane lokubhalisela ukuvota kanye lezokhetho.

Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.

Facebook Forum

XS
SM
MD
LG