amalinks wokungena

Breaking News

Inhloko ZeNdaba Nkwenkwezi 18, 2022


Inhloko ZeNdaba

Endabeni zethu lamhlanje ……………..

*** Amabandla aphikisayo athi ukuwa kwedola leZimbabwe ngesilinganiso sokungamatshumi amahlanu ekhulwini, 50 percent, izolo kuveza sobala ukuthi inhlelo zikahulumende zokulungisisa umnotho azisebenzi. Ngokunjalo, athi kumele umphathintambo wezemali uMnu Mthuli Ncube losibalukhulu webhanga elikhulu lelizwe uMnu john Mangudya natshiye umsebenzi. Kodwa abebandla leZanu PF bathi ababili laba abayi ndawo.

*** Amapholisa asethule amagama abembi abafele emgodini weBucks Mine duzane leGwanda ngoMgqibelo. Izidumbu zabo zikhutshwe kulumgodi zonke izolo.

*** Abezempilakahle bethule isaziso sokuba sekuqhamuke umkhuhlane wendingindi elizweni ngakhoke abazali kumele baqhaphele bese abantwana emtholampilo eseduze bayehlatshwa ijekiseni yokuzivikela lokwelatshwa.

*** Abokuza abaphila lemikhuhlane engalaphekiyo sebetshiwe phandle kohlelo lukahulumende weBotswana lokuphathisa ngesikhathi kulokusilela kwamaphilisi awezifo ezingelaphekiyo.

*** Ilizwe leRussia namuhla lithe inani lamasotsha eUkraine asezinikele kulo kuyonale iviki selifike phose inkulungwane-959 edolobheni le Mariupol lapho eseligxile khona.

*** Kulivetalk namhlanje kuhlelo ‘Diaspora Forum’ sikhangela okwenziwa yizizalwane zeZimbabwe esezihlala kwamanye amazwe.

Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.

Facebook Forum

XS
SM
MD
LG