IZimbabwe Electoral Commission (ZEC) ithi ukhetho lweZimbabwe soluyingozi kwezomvikela welizwe ngoba abantu abanengi kababhalisi ukuvota ngenxa yokuthi abayithembi ikhomishini le.
Inhlanganiso leyi yethese umlandu abezombusazwe isithi benza kube lokulwisana elizweni ngenxa yokuthi ukhetho luyaqilwa kuleli.
IZEC ithi inani labantu abangabhalisi ukuvota elizweni lengezwa yikuba abantu abasathembi indaba zokhetho lonke nje olwenzakala elizweni.
Ekhuluma emhlanganweni weZEC, umsekeli womholi weZEC uMnu. Rodney Kiwa, uthe ukhetho lweZimbabwe soluyingozi kumvikela welizwe.
Umkhulu wezokhethi kunhlanganiso yeZEC, uMnu. Utoile Silaigwana, uthi abantu abanengi abasaluthembi ukhetho kwele Zimbabwe.
“Ukhetho luka 2023 soluzafika njalo siyabona ukuba wonke umuntu uselungule ukhetho kuleli. Ukhetho lwenza abantu bazondane njalo abezombusazwe basebenzisa lokhu. Ukhetho soluyingozi kumvikela welizwe.”
Uqhubeke esithi inhlanganiso yeZEC yenza konke okusemandleni ayo ukuba ukhetho lweZimbabwe lukhululeke njalo lwamukelwe nguzulu.
Uthe amabandla aphikisayo kumele atsho abakusolayo.
Ummeli w Binga North edale lephalamende, uMnu. Prince Dubeko Sibanda, usole iZEC esithi kumele yenze okunengi ukuze umsebenzi wayo wamukelwe ngabantu.
“IZEC esikhathini esinengi kayibalulekanga indlela eyenza ngayo umsebenzi wayo ngoba abantu abanjengathi bacina besalelwe ukukhankasa okubalulekileyo.”
USibanda uqhubeke esithi kusobala ukuba iZEC isekela ibandla elibusayo.
Isikhumeli senhlanganiso ye-Ekhaya Vote, uMnu Nkosikhona Dibiti, uthi kumele iZEC isebenze lenhlanganiso ezizimeleyo ukuze abantu bayihloniphe.
“Abantu abanengi eZimbabwe bathi akukhanyi ukuba oyabe enqobile kukhetho ngubani. Abantu bathi ukhetho lwe Zimbabwe akubalulekanga, ngenxa yendlela ukhetho olwenziwa ngayo.”
Kusanda kuqhutshwa ukhetho eZimbabwe okukhonone amabandla aphikisayo esithi aluqhutshwanga ngemfanelo loba eliphikisayo eleCitizens Coalition for Change linqobe kukhetho olwenziwe mhlaka 26 Mbimbitho.