amalinks wokungena

Breaking News

Woza Friday: Silomculi uSkaiva


House musician Skaiva

Kuliviki kuhlelo Woza Friday silomculi womdumo wakulezinsuku, oweHouse Music, uMqondisi Sibanda odume ngegama lakhe kwezomculo elithi Skaiva.

UMqondisi Sibanda wenza izifundo zakhe ekolitshini yeLupane State University, waqeda kodwa umsebenzi wathi dololo wangawutholi, wahle wacabanga ukuzingenela kwezomculo.

"Abantu bangazi nginguSkyver nginguDj, ngingu producer. Ngizalelwe koBulawayo ngafunda eGampu Primary School ngasuka ngaya eMpopoma High School ngasengisuka ngaya eLupane State University ngaqeda ngo 2015."

Udubo lokuswelakala kwemisebenzi eZimbabwe lwenza abasakhulayo abanengi bebanjwe ngamandla ukudinga ezinye indlela zokuziphilisa ngokuzisebenza.

USkaiva ngomunye wabasakhulayo owazibona engasela eyinye indlela yokuziphilisa lapho esegqibe izifundo wacabanga ukungena kwezomculo.

"Ngiqeda I-University ngasengaqala ukwenza imusic cause ngananzelela ukuthi abafowethu abanengi abagraduatayo, babengasebenzi so ngathi ngiqale ukuzinceda ngizenzela imusic yami. So ngangi Dj emaclub, ngitshaye emtshadweni, emapartini njalo ngasengaqala ukuzenzela eyami imusic. So ngayangena eStudio ngiziphekele awami ama beat eyami imusic."

USkaiva uthi bakhona ayebahawukela kwezomculo esakhula okwamenza wafisa laye ukufika kuleso sibanga.

"NguOskido loBlackCoffee labo Dj Christoph eSouth Africa. Then Lapha local ngingakhangelela uOliver Mtukudzi, labo Lovemore Majaivana, yibo abantu abanengi inspire ngakhula ngiba lalela kakhulu. Mina imusic sengi release ama-Album amane lama single tracks amanengi. Mina ngenza iHouse. So, I work mostly labantu abanengi abeGoli oDJ QT oFam Dista. Banengi abantu esengisebenze labo."

Umculo wakho Skaiva uthakazelelwa ngabantu abanengi, pho bengaxhumana njani lawe ukuze bakuthole.

"Nxa ufuna ukubakwazi ngokuthi iMusic yami ungayithola ngaphi uya hamba kuSkyver ku Facebook kule page, kuTwitter kule page Skyver Sibs ku YouTube Skyver yonke into vele ngu Skyver even lakubo Google, Amazon obani just google Skyver kuphela kuyahle kuphume yonke iMusic. Lokuthi ngtholakala nga njalo nxa ufuna ukuthola ama details ami nxa ufuna ukungbooker uyakuthola kubo Instagram, kubo Facebook lakubo Twitter khonapha."

Facebook Forum

XS
SM
MD
LG