amalinks wokungena

Breaking News

Abesifazana beZimbabwe Abagqilazwa Elizweni leOman Bakhala Ngokudlwengulwa Lokudliswa Ingcekeza Yabaqhatshi


Umfanekiso ogciniweyo obonisa abakhankasela ukuqeda udlakela

Kulabesifazana abahlanu abathi bathwele nzima elizweni le Oman ngokugqilazwa lokudlwengulwa ngakho bakhalaza ukuthi behlengwe nguhulumende labazimeleyo. Abesifazana laba bahamba kulelolizwe besiyadinga imisebenzi kodwa sebekhathazwa yilabo ababaletha kwele Oman.

Amantombazana la asuka ethenjiswe imsebenzi kweleDubai yilabo ababikwa ukuthi bayadingela imsebenzi ama agents ngesiNgisi, kodwa bazibona sebese Oman. UNkosazana Sindiso Nleya oleminyaka engamatshumi amabili lanhlanu 25 uthi ufike kwele Oman ngoZibandlela lonyaka.

"Ebesithi ngiyakuhambisa uyesebenza kwenye indlu uqeda ukusebenza kuyo ama working hours angkhona they were long, where ukuthi uyakwanisa ukuthi ulale maybe 3 hrs uphinde uvuke futhi uqalise ukusebenza . Ungayala bebesithi bayakuthengisa bekuhambise kwenye indlu enkulu kulaleyo osebenza kuyo. So siseofisini khonapho bebe demander ama 2500 ukuze besirilize so imali yangkhona."

Omunye obalekileyo njalo esikhuluma laye ecatshile kweyinye indawo kulelo lizwe nguNkosazana Bongi Dube oleminyaka engamatshumi amabili lambili 22. Uthi usekhathele ngokubhinywa.

"Siyacela bazali bethu ukuthi khona lisincedise kunzima lapha sahamba sisithi siyodinga impilo kodwa kunzima basthathela ama passport asila lutho siyadubeka lapha sicela lisincedise le government ingenele,sicela usizo."

UNkosazana Nobuhle Dube uthi wayetshaywa, bemenza isigqili sabo, njalo ubeselungiselelwa ukuthengiselwa omunye owesilisa ngoba engafuni ukudlwengulwa.

"Wahle vele wazonda wangi threaten ukuthi ucela ngimnike ifoni yami yonke into engeyami ngimnike waqeda lapha wangitshaya ,engitshaya ngezibhakera engipuncher engi dragger . Waqeda wasivalela wathi akasiniki ukudla kasiniki amanzi untill size sibhadale imali yakhe. Yikho lapha sesibonile ukuthi kungcono sibaleke,sasesibaleka sathola indawo encane eyokuhlala but asikwazi ukuthi sisafe yini ngoba siyakwazi ukuthi bayasidinga okuserious,so sicela uncedo."

Ukhala ezimathonsi uNkosazana Marble Ncube osuka koBulawayo oleminyaka elitshumi lasitshiyagalolunye 19.

"Ah lapha engikhona bayangiraper bayayenza konke ,ubaba wakhona kokhe labantwabakhe vele bayangihlukumeza bayangi raper bangivalele bengidlise konke ledoti yabo . Ngikhuluma kunje khathesi ngibalekile ngicatshile kweyinye indawo angikwazi ukuthi ngiye ngaphi."

UNkosazana Rumbi Chuma uthi bafuna imali ukuze bamkhulule, njalo ucela usizo kunina.

Abahambisa amantombazane la abase Harare benqabile ukukhuluma le Studio 7 kodwa uNkosikazai Monica Mutsvangwa, umphathintambo kahulumende obona ngokwethulwa kwemibiko lokusakaza uthi uhulumende wakhe ulemizamo ayenzayo eyokuvikela ukuhanjiswa kwamantombazana eOman.

Unobhala jikele wogatsha lukahulumende weZimbabwe olubona ngendaba zangaphandle kwelizwe uthe silobele ihofisi yakhe imibuzo ngaloludaba ukuze aphendule.

please wait
Embed

No media source currently available

0:00 0:03:59 0:00

Facebook Forum

XS
SM
MD
LG