amalinks wokungena

Breaking News

Ukubotshwa Kwesiphathamandla Sikahulumende Okuthiwa Sitshontshe Imvundiso yeFertilizer Kudala Inkulumo eZimbabwe


A man carries a full bag of donated maize grain, March 13, 2019, in the Mutoko rural area of Zimbabwe. Eastern Zimbabwe receives help to fight drought induced hunger, as a total of 32,000 villagers affected by drought in the Mutoko area. They received…

Kulabantu abanengi abagoqela abakubandla leZanu PF abathi kumele umsekeli womphathintambo kahulumende obona ngezokulima okuthiwa ulecala lokweba imvundiso yabalimi lokunye okuphansi kohlelo lwabalimi athoniswe ngemfanelo.

Bathi uMnu. Douglas Karoro, obotshwe ngoLwesihlanu ecatshangelwa ukuba watshontsha amasaka efertilizer ayisilinganiso se700 kilograms, inhlanyelo lokunye, kumele abhekane lamacala la hatshi ukuba abonakale esehambahamba emphakathini. UMnu. Believe Gaule, ngomunye walabo abakubandla leZanu PF abathi kulabanye abakuhulumende abanjengo Mnu. Karoro. ababisela muva imisebenzi kahulumende.

UMnu. Malaki Nkomo, laye okubandla elibusayo, uthi ukubotshwa kuka Karoro kuveza ukuba uMongameli Emmerson Mnangagwa ulwisana lobukhohlakali eZimbabwe.

UMnu. Mqondisi Moyo, umkhokheli webandla leMthwakazi Republic Party, uthi kugcwele amasela kubandla elibusayo.

Ocubungula ezombusazwe, uMnu. Effie Dlela Ncube, uthi abantu abalezikhundla eziphezulu kababotshwa eZimbabwe.

Lokhu kusekelwa nguMnu. Ostallos Siziba, umsekeli wesikhulumeli sebandla leCitizens Coalition for Change, othi banengi abakuhulumende abatshontsha okutshiyeneyo.

Kuleziphathamandla zikahulumende ezinengi ezabotshwa zisetheswa amacala okweba kunhlelo zikahulumende kodwa zakhululwa ngumthethwandaba. Zigoqela uMnu. Obadiah Moyo, owayephethe uhlangothi lwezempilakahle, owayesetheswa icala lokweba imali efika izigidi ezingamatshumi ayisithupha - $60 million okwakumele isetshenziswe ngesikhathi ilizwe liwala ukulwisana legciwane leCOVID-19.

Facebook Forum

XS
SM
MD
LG