amalinks wokungena

Breaking News

Uzulu Ukhala Ngokukhupha Kwentengo Yempahla Etshiyeneyo eZimbabwe


Prices

Abantu kwele Zimbabwe bathi sebephila nzima ngenxa yokukhuphuka kwentengo yempuphu, isinkwa lokunye. Bacela ukuba uhulumende angenele ukuze benelise ukuphila kahle lemuli zabo.

Omunye wabakhala ngokukhuphuka kwentengo yempahla nguMnu. Tariro Muriro.

“Okwakhathesi iZimbabwe isiwome kakhulu ngoba imali yethu ayisathengi. Kufunakala eyeMelika kodwa akula abantu abayiholayo. Lokhu kwenza ukuphila kube nzima kakhulu.”

Uyakhala loMnu. Lixon Tshuma, ohlala eNyathi esabelweni seMatabeleland North.

“Ngabe uhulumende uyazama ngalapho enelisa khona asenzele okunengi. Umnotho lowu usunzima. Akula muntu owenelisa ukuhlala esuthi kumbe ukuhlala elokudla okweneleyo.”

Lokhu kusekelwe nguNkosazana Bertha Phiri,othi uhulumende kumele angenele kudaba lokukhuphuka kwentengo yamafutha okupheka, impuphu, isinkwa lokunye.

“Ukhwela lokhu sekusihlupha kakhulu. Labo abadubekayo bathwele nzima, Ngabe uhulumende uyabapha ukudla ukuze enze kube lobusela obulutshwane”

Okhokhela inhlanganiso yabosomabhizimusi eyeConfederation of Zimbabwe Retailers, uMnu Denford Mutashu, uthi udubo oluselizweni lwabangelwa yimpi phakathi kwele Russia lel Ukraine, esidale ukuba kukhuphuke intengo yamafutha ezimota.

“Siphila emhlabeni obambeneyo imisika yethu ngenxa yokuba amazwe ethu athembele emazweni abelungu. Kumele sikhangele njengelizwe ukuba sibone ukuba singazenzela sodwa kanjani indaba zokuthola ukudla elizweni.”

Ingcwethi kwezomnotho, uMnu. Rejoice Ngwenya, uthi ukukhuphuka kwentengo yempahla kubangelwa yikukhwela kwentengo yamafutha ezimota emhlabeni wonke jikelele.

“Kukhanya uhulumende wethu weZimbabwe usekhweze intengo yamafutha ezimota, lokhu kutsho ukuthi intengo yempahla layo izakhwela. Lokhu kwenziwa yikuthi nxa amafutha khwela osomabhizimusi kabathathi imali kuma profits.

Abakwenzayo yokuthi nbayakhweza intengo yempahla ngamadola akhona okutsho ukuba uhulumende kumele avule umsika we diesel”

Umphathintambo wezemali, uMnu. Mthuli Ncube, utshele umsakazo weZBC izolo ntambama ukuba impi phakathi kwele Russia lele Ukraine yiyo ebangela ukuba kukhuphuke intengo yempahla etshiyeneyo elizweni.Intengo yempuphu eyisilinganiso se10 kilograms ikhuphuke yayafika kumadola alitshumi – US$10.

Intengo yesinkwa namuhla ikhuphume isuka kumadola phose angamakhulu amathathu - RTGS270 isiya kumadola aphezu kwamakhulu amathathu lengxengye - RTGS352. Amafutha okuphekisa lawo asebiza intengo ephezulu eZimbabwe.

Facebook Forum

XS
SM
MD
LG