amalinks wokungena

Breaking News

Uyakhala Uzulu Ngokutshona Kwenduna uMabhikwa


Zimbabwe chief Mabhikwa died in a road traffic accident on Sunday along the Bulawayo/Victoria Falls Road.

Bayakhala abantu eZimbabwe kulandela ukutshona kwenduna uMabhikwa, obesaziwa njengomuntu osebenzela uzulu.

UMabhikwa utshone ngeSonto ebusuku engozini yomgqaqo osuka koBulawayo usiya eVictoria Falls. Igama lakhe lokuzalwa nguNichodemus Vusumuzi Khumalo.

Wagcotshwa ukuba yinduna ngomyaka ka2012 eleminyaka elitshumi lasitshiyagalo lunye -19 esemnyakeni wesibili ekolitshini yemfundo yaphezulu. Uyise wabhubha ngomyaka ka2006.

Omunye wabakhala ngokutshona kwenduna uMbhikwa nguMfundisi Useni Sibanda othi isigaba seMatebeleland silahlekelwe kakhulu.

“Intaba yethu idilikile njengabantu abeMatebeleland njalo sisele singasela sithunzi. Ubaba uMabhikwa sisebenze laye kuhle kakhulu, ikakhulu endabeni zokuletha ukuthula esigabeni seLupane. Sihambe laye, sisebenza sibeka ama Local Peace Committees. Amakhomithi abantu akade behamba bekhangela indaba zokuthula esabelweni seLupane yonke.”

Uqhubekela phambili uSibanda esithi uMabhikwa ubeyindoda emadodeni.

"Sathi lokhe sisebenza indaba zokuthula, wathi kambe njengoba lisebenza okokuthula, singeke saletha okunye okungenza ukuthi abantu bethu bazimele bodwa. Sasesisebenza labalimisi sibancedisa ukuthi beqalise ukugcina inkukhu ukwenzela ukuthi bengakhangeli ukulima ama-irrigation kuphela, kodwa njalo bebe lolunye unyawo abangama kulo. Konke lokhu sasikwenza silaye ubaba uMabhikwa.”

UMnu. Mbuso Fuzwayo, umqondisi wenhlanganiso eyeIbhetshu Likazulu uthi kulusizi ukuba induna itshone kungozi yomgwaqo okuyikho okutshengisa ukuba isimo semigwaqo elizweni asimanga kuhle.”

“Silusizi ngalokhu okwenzakale enduneni, kulusizi kakhulu.Kuyabonisa ukuthi imigwaqo yethu ifile, ngemigwaqo yethu vele sizaba lengozi ezinengi. Bahlala bephela abantu kuwonalo ugwaqo. Kuyethusa ukubana uhulumende athi abantu behambe ngonanzelelo kulokuthi ayelungisa imigwaqo. Kulusizi, induna kayilale ngokuthula.”

Imizamo yokuxhumana lemuli yomuyi induna uMabhikwa yehlule. Kodwa isikhulumeli semuli yakoKhumalo, uMnu. Donald Khumalo ekhuluma lephephandaba leChronicle, uchaze ukuba ngempela induna uMabhikwa kasekho njalo udlule esegijimiselwe esibhedlela seSt Luke’s.

Kusenjalo, usomabhizimusi wakoBulawayo, uMnu. Noel Eric York, owaziwa kakhulu ngebizo lebhizimusi yakhe elithi Mbokoso, ubhubhe ngeSonto ngemva kokulwisana lemvukuzane okweminyaka emibili.

Ubeseleminyaka engamatshumi ayisikhombisa lambili (72). Ukhangelelwe ukubekwa koBulawayo.

UMnu. Elliot Ndlovu, usomabhizimusi wakoBulawayo, uthi abantu abanengi bebekhangelele kumuyi uYork ukuthi bathuthukise amabhizimusi akoBulawayo okufuya.

“KoBulawayo besikhangelele kuMbokodo keezokufuya njalo lokuthi ubengenisa inyama emabutcher amangaki kusizwisa ubuhlungu ukuthi silahlekelwe abantu bazabonela kubani ukuthi inkomo zifuywa njani.

Facebook Forum

XS
SM
MD
LG