amalinks wokungena

Breaking News

Bathithibele Abadabuka eZimbabwe Ngokubulawa Kwabantwana Abafika Phose Amatshumi Amabili Esikolo eTexas


Abanye ababulawelwe abantwana eTexas ngumfanyana obadubule esikolo.
Abanye ababulawelwe abantwana eTexas ngumfanyana obadubule esikolo.

Abadabuka eZimbabwe abahlala kwele Melika bathi kuyadanisa kakhulu okwenzakale eTexas ngoLwesibili okubulewe abantwana abafika phose amatshumi amabili – 19 labadala ababili esikolo seRobb Elementary School esigabeni seUvalde.

Obulele abantu laba uqale wadubula ugogo wakhe engakahlaseli esikolo lesi lapho abulewe khona ngamapholisa.

UMongameli Joseph Biden uthi sokumele kulungiswe imithetho yokuthenga lokusebenzisa imibhobho emikhulu kwele Melika.

Kulabanye abakubandla lama Republicans abangafuni ukuzwa lakancane ngodaba lolu ngoba bathi ukuthenga imibhobho kukusisekelo sombuso welizwe.

Ngomnyaka ka2012, kwabulawa abantu abafika phose amatshumi amathathu – 28 esikolo seSandy Hook Elementary School nguAdam Lanza, owadubula unina engakahlaseli isikolo lesi.

UMfundisi Raphael Mthombeni, ohlala eDallas Texas, uthi kuyethusa okwenzakala eMelika.

Lokhu kusekelwa nguMnu. Thabang Nare laye ohlala kwele Melika.

Kulabantwana abanengi asebabulawa ezikolo lemakolitshini ngabantu abalomkhuhlane wengqondo kumbe abasekela abenza udlakela njalo belenkethabetshabi.

XS
SM
MD
LG