amalinks wokungena

Breaking News

UMnangagwa Uthi Kumele eleZimbabwe Lembe Igolide Lokunye Ngendlela Ephezulu Hatshi Ukwekela Amankampani Ezenzela Akufunayo Elizweni


EleChina lemba amatshe aligugu eMutoko lezinye indawo kwele Zimbabwe.

UMongameli Emmerson Mnangagwa uthi sokumele eleZimbabwe lisebenze ngonanzelelo kwezokwenjiwayo ngoba amankampani alakho ukuhuquluza igolide lokunye okutholakala elizweni.

Wethule lokhu ngesikhathi ekhuluma lezizalwane zakwele Zimbabwe ezihlala kwamanye amazwe.

UMnangagwa, obesemhlanganweni weWorld Economic Forum kwele Switzerland, utshele izizalwane zakwele Zimbabwe edolobheni leZurich namuhla ukuba kuqakathekile ukuthi ilizwe lincedakala kulokhu okwenjiwayo. Ngakho-ke uthi kumele kugejwe igolide lokunye ngemfanelo.

Ongene umhlangano lo, uBabusi Ngwenya ohlala eGeneva, uthi banengi abadabuka eZimbabwe abangene umhlangano lo.

UMnu. Anglistone Sibanda, umqondisi wenkampani yeGreen Afrique Technologies, uthi kuqakathekile okukhulunywe nguManngagwa.

Abanye abadabuka eZimbabwe bayathandabuza ukuba eleZImbabwe lizakwenelisa ukukhanga osomabhizimusi bakwamanye amazwe ukuba betshale imali yabo elizweni leli ngenxa yesimo esibi somnotho njalo lemithetho eminengi engaqedakaliyo.

Facebook Forum

XS
SM
MD
LG