amalinks wokungena

Breaking News

Umphathintambo Wele South Africa, uMnu. Aaron Motsoaledi Uthi Kuzabunjwa Umthetho Ozakwenqabela Ukungena Ngudlu KuleloLizwe


Aaron Motsoaledi

Umphathintambo wogatsha lwendaba zasekhaya kweleSouth Africa umnumnzana Aaron Motsoaledi uthi uzadiliza akhe kabutsha umthetho wezokungena kwabantu elizweni ukuze kuqedwe uhlupho lokungena kwabantu ngokungekho emthethweni.

Ekhuluma ngesikhathi esethulela iphalamende ukuthi imali ephiwe ugatsha lwakhe izasebenza njani, umnumnzana Aaron Motsoaledi uthe ufuna ukuthi kuvalwe ngci amathuba okufohla emingceleni yelizwe ikakhulu eBeitbridge ukuze kungabikhona ongena elizweni ngokungekho emthethweni.

Uthe imali enengi izasetshenziswa yicomission ye Border Management Authority, okukhangelelwe ukuthi iqatshe amapholisa azalinda imingcele.

Uthe sekuvele kwaqatshwa amapholisa angamakhulu amabili (200) okukhangelelwe ukuthi aqale umsebenzi kungekudala.

“Kumaviki alandelayo sizabopha kakhulu abantu abangene elizweni ngokungekho emeththweni,” kutsho uMotsoaledi.

Abameli bedale lephalamende labo bebethukuthele kakhulu bethi lolugatsha alwenzi okweneleyo ukuvimba lokubuyisela emuva abangena elizweni ngokungekho emthethweni.

Ilunga leDemocratic Alliance umnumnzana David Ross uthe kufanele lolugatsha lusebenzise imali enengi kuziphathamandla zalolugatsha ezihamba zidinga labo abangene elizweni ngokungekho emthethweni.

Uthe kuqakathekile ukuthi abantwana bezizalwane zakwamanye amazwe baphiwe incwadi zokufunda lokuthola olunye usizo.

“Kulusizi ukubona abantwana behlupheka ngesizatho sokuthi abalancwadi ezifaneleyo,” kutsho uRose.

Abanye bathe kudingeka imali enengi yokubuyisela labo ababanjwe beselizweni ngokungekho emthethweni.

Kodwake ilunga le Economic Freedom Fighters uNkosikazi Lerato Tito uthe bona abavumelani lokuthi kusetshenziswe imali ezinkulu kuxotshwa izizalwane zakwamanye amazwe elizweni kodwa bakhangelele ukuthi kukhuthazwe ama Africa ukuthi amanyane angabandlululani.

“Thina njenge EFF asivumelani lokucwaswa kwabantu bakwamanye amazwe. Yikho okufanele silwisane lakho,” kutsho uTito.

Sekukanengi lolugatsha luveza sobala ukuthi uhlupho olukhulu lwabangena elizweni ngokungekho emthethweni ngolwalabo abadabuka eZimbabwe. Kunyanga ezedluleyo kumenyezelwe ukuthi kulabeZimbabwe abaphose bafike kunkulungwane ababanjwe bengena elizweni kungakapheli leviki.

Ngakolunye uhlangothi izizalwane zakweleSouth Africa ezibalisa inhlanganiso yedudula lazo zidlubhedu, zisithi abeZimbabwe ababuyele kubo ngoba babathathela imisebenzi lokudala amacala.

please wait

No media source currently available

0:00 0:03:06 0:00

Facebook Forum

XS
SM
MD
LG