Usomlomo wedale lephalamende, uMnu. Jacob Mudenda uthi kumele kuyengezelwe umthetho kusisisekelo sombuso welizwe ukuze abahlala phandle kwelizwe benelise ukuvota besemazweni abahlala kuwo.
UMudenda yisiphathamandla esimqoka sebandla le Zanu PF esakuqala ukukhuthaza uhulumende ukuthi avumele ukuvota kwabase Diaspora lanxa umongameli Emmerson Mnangagwa wake wavuma ukuthi bengavunyelwa ukuvota abahla phandle kwelizwe.
Kodwa ngesikhathi esesisele ukuthi kuqhutshwe ukhetho ngomnyaka ozayo, kuzakubanzima ukuthi inyathelo lokuvota kwabaphandle kwelizwe lifezwe.
Ukuhlaziya loludaba sixoxe lomgcinisihlalo wenhlanganiso elwela ilungelo labavoti abaphandle kwelizwe, eye Zimbabwe Diaspora Vote Campaign, uMnu. Den Moyo.
