amalinks wokungena

Breaking News

Uze eZimbabwe Ukuzohlola Amalungiselelo Womhlangano weAfrican Parliamentary Union, uIdi Gado Boubacar


African Union

Ekufikeni kwakhe eZimbabwe, NgoMvulo, uBoubacar uchasise ngokuqakatheka kohambo lwakhe, oluza ngaphambilini komhlangano kaLwezi, owamalunga azamela amadale ephalamende amazwe akuzwekazi leAfrica.

Harare..............

Unobhala jikelele wenhlanganiso yedale lamaphalamende amazwe awezwekazi le Africa, i-African Parliamentary Union, umnumzana Idi Gado Boubacar usekwethekeleleni kweleZimbabwe ukuzahlola amalungiselelo womhlangano wesimatshumi mane lane we African Parliamentary Union okhangelelwe ukwenzelwa kuleli lizwe ngenyanga kaLwezi wonalo umnyaka.

Ekufikeni kwakhe enkundleni yendizamtshina yeRobert Gabriel Mugabe International Airport, NgoMvulo, uBoubacar uchasisele intathelizindaba ngokuqakatheka kohambo lwakhe, oluza ngaphambilini komhlangano kaLwezi, owamalunga azamela amadale ephalamende angamatshumi amane lanye ( 41 National Parliaments ) kanye labamazwe akuzwekazi leAfrica.

Umnumzana Boubacar uye wayazibika kumlawuli wedale lephalamende eleSenate, uPresident of the Senate uHon. Marble Chinomona, NgoLwesibili, lapho achasise ngesizatho sohambo lwakhe. Uveze njalo ukuba uze kuleli ukuzavumelana kulokho okumele kwenziwe ngabedale lephalamende kuleli ukuze lumhlangano uphumelele.

Umkhokheli enhlanganisweni ekhankasela ukufundiswa kwabantu ngendaba zesisekelo sombuso ye#THIS CONSTITUION unkosazana Abigail Mupambi, wamukele ngenjabulo ukwenzelwa kwalumhlangano eZimbabwe.

“Lokho nje kuzanikeza iZimbabwe ithuba elokuzibukisa, ithuba elokuthi layo ime i-competitive kuAfrican Continent, kuqakathekile lokho. Kodwa ke sithi nje kuqakathekile ukuthi mhlawumbe sibe lokutsho ukuthi sibona njani through ama various stakeholders. Bekuqakathekile ukuthi mhlawumbe kube lama-stakeholders athile ayabe elokutsho khonapho. Kodwa ke siyafisela ukuthi iZimbabwe iphumelele ukuhosta liConference eqakatheke kangaka.”

Intathelizindaba esebenza izimele umnumzana Tafadzwa Chigandiwa upha umbono wakhe ngaloluhambo lukamnumzana Boubacar.

“Sicela ukuthi ngabe kuyayenza, akwanise ukuhlangana lamabandla wonke, babonisane. Hayikhona ukuthi abe ekhuluma lohulumende kuphela, sokungani yinto yeZanu Pf. Le into yinto yelizwe, ayisiyonto ye-Party.”

U-Chigandiwa uthi angabonana labenhlangothi ezitshiyeneyo u Boubacar, kuzosiza ekuthini abe lombono obanzi kakhulu kulokho ahamba ngakho.

“Sicela ukuthi nxa kusenza, akwanise ukukhuluma lamabandla atshiyetshiyeneyo, ukuze into leyi iphume kahle. Ngoba ingayekela ukuphuma kahle kusolwa ilizwe, akusolwi hulumende kumbe i-Party kuphela. ”

Esinye isakhamuzi sakoBulawayo umnumzana Collins Ncube uthi kasikho isidingo sokuthi uhulumende avume ukuqhuba lumhlangano kuleli lapho isimo kwezomnotho singesihle khona.

“Bakithi izinto azisalunganga elizweni, i-cost of living, izinto sezidula, lokhu lalokhu sokudula, amagetsi ayakhwela, oZUPCO bayakhwela. So imali zokuthi siqhube imihlangano imihlangano enjengaleyi, kusisiza ngani, kusincedisa njani. Ngoba sikhuluma nje izizalwane zeZimbabwe zithwele nzima ukuthi baphile, impilo zabantu zibe ngcono. Ngibona angani uhulumende kakhangele kakhulu ukuthi abantu sebephila njani khathesi sikhuluma kunje.”

Esuka edale lephalamende, uBoubacar uphatheke emkhosini wokulobelana phansi isivumelwano lonobhala omkhulu wedale lephalamende umnumzana Kennedy Mugove Chokuda, sokukubeka emthethweni ukuthi ngempela uqhutshwe lumhlangano kweleZimbabwe.

Udaba lomhlangano wamaphalamende aweAfrica siluphiwa nguMavis Gama
please wait

No media source currently available

0:00 0:03:34 0:00

Facebook Forum

XS
SM
MD
LG