amalinks wokungena

Breaking News

Inhloko ZeNdaba Nhlangula 01, 2022


Inhloko ZeNdaba

Washington DC..............

Endabeni zethu lamhlanje

*** Ikhansili yakoBulawayo ithi isivumela izelamani ezifuna ukungcwatshwa godi-linye ukuthi zenzenjalo ngendlela yokuqeda udubo lokusilela kwamangcwaba kulelodolobho.

*** Amabhizimusi amanengi aweTsholotsho abhidlizwa yikuqhamuka kobhubhane lweCOVID-19 kusukela ngomnyaka ka2020 kulandela ukufakwa kweziqondiso zokuvikela ukumemetheka kwaleli gciwane nguhulumende weZimbabwe phansi kohlelo olweLockdown.

*** Amapholisa akweleBotswana athi athwaliswe amagabha avuzayo yizigebengu ezingena zivela eSouth Africa le Zimbabwe ezidala amacala zihlomile, ikakhulu izehlakalo zokuntshontsha imali ehanjiswa yizimota zamakampani ezomvikela - awe security.

*** Kulabadlali bomdlalo we tennis abasakhulayo abaphuma emazweni alitshumi lanhlanu abancintisa kumncintiswano we Under 18 International Tennis Federation Futures Tournament oqhutshelwa edolobheni lako Bulawayo.

*** UMongamli Joseph Biden uthi uzanika eleUkraine izikhali zohlobo lwama rockets ezizathundubeza ezakwele Russia ngokutshaya izitha bekhatshana.

*** KuLiveTalk namuhla kuhlelo olwe ‘Diaspora Forum’ sikhangela umkhankaso wokukhuthaza uhulumende weZimbabwe ukuthi avumele izizalwane zakhe ezisemazweni ukuba zivote kukhetho zikhonale lapho ezihlala khona.

Nxa lifuna ukungena kuhlelo sithumeleni umlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.

Facebook Forum

XS
SM
MD
LG