amalinks wokungena

Breaking News

Uzulu koBulawayo Uthi Ukuqondiswa Komthetho weLabour Act Kulungile


Bazama ukuhlenga izisebenzi emgoqini eMhangura

Abakunhlangothi ezitshiyeneyo ngoLwesihlanu bethule imbono yabo ngabakukhangeleleyo mayelana lomthetho weLabour Act ngokuvikela amalungelo ezisebenzi.

Zithi umthetho lo kumele ulungisiswe ukuze kuvikelwe ubandlululo, ukuhlukunyezwa, ukudlwengulwa lokunye okutholakala emsebenzini.

Umhlangano lo owenzelwe koBulawayo ubuhlanganisa uzulu osebenza enhlanganisweni ezehlukeneyo ngenhloso yokuqondisa umthetho ovikela izisebenzi ukuze uhambelane lesisekelo sombuso. Umthetho lo ukhangela izinto ezintsha esezikhona emsebenzini zilethwa yinguquko kundlela zokusebenza.

UNkosikazi Sikhathele Matambo, umqondisi wenhlanganiso elwela amalungelo abomama eyeMthonjeni Women’s Forum, uthi bayamukela ngenjabulo linguquko.

“Siyajabula siyhakazelela utsho Stho olibekhona kuLabour Act sikhangele kakhulu ukugcizelelwa kuka section 8 mayelana lesexual harrassment okuvikela abahlukuluzwayo ngezamacansi emsebenzini kodwa kunjalo isifiso sethu ngesokuthi nga kuyacasiswa ukuthi nxa kukhulunywa ngeword of work kukhulunywa ngani.”

UMnu. Lindinkosi Maqhathelana, osebenza lenhlanganiso elwela amalungelo ababalisi eyeZimbabwe Teachers Association, uthi kumele lumthetho ubasekele ekulondolozweni

"Sifuna ukuthi sibone ukuthi umthetho ofakwayo ngokwezisebenzi uyasiprotecter ukuthi sinegotiate lomqatshi wathu at the same time nxa sisenza esikwenzayo okusemthethweni wesisekelo sombuso njengokubhikisha ukuyekela ukuya emsebenzini kungenxa yokuthi lomthetho we Labour uyavuma.

UNkosikazi Sanele Nyoni, omunye wabomama obekulo umhlangano, uthe kumele kube lomthetho ovikela omama nxa bengadlwengulwa besemsebenzini.

“Sibona kufanele kube lomkhankaso wokuthi kube lokufundiswa ukuthi wonke umuntu abekwazi ukuthi kwenziwani nxa ungadlwengulwa is emsebenzini ikakhulu ngokocansi.Sibona kufanele ukuthi odlwengulweyo ancediswe ngokomthetho kungabikhona ukuvalana ngemali kumbe ukuthatha isikhathi eside kakhulu lokhe kungenziwa lutho.”

UMnu. Elliot Ndlovu, isakhamuzi sakoBulawayo, uthi uhulumende kumele abavikele emholweni yabo kungathathwa imali enengi ngoba bevele behola encane.

“Konke okukhulunywayo siyakuzwa kodwa ubunzima obukhona laphakithi thina izisebenzi ezithola irtgs yikuthi tax yakhona inengi amacharges akhona lawo futhi okokuthi ekucineni ucina ungatholi lutho ngapha silemuli indleko ezinengi zokubhadala okokuthi ngabe imali esiyiphiwayo inengi kumbe iUSD ngabe kungcono kakhulu kodwa kungaqhubeka kunje siyaba ngabayanga bokucina.”

Ukuqondiswa komthetho weLabour Act kwamukelwe ngabanengi besitsho imbono yabo lalapho abafisa ukuthi kulungiswe khona kungela kukhetha muntu. lnhlanganiso ezinengi ziveze ukuthi umthetho uyafakwa kodwa ubuye ungalandelwa sokulokungcindezelana okukhona. Amalunga ePhalamende abe khona akhuthaze ukuthi lapha abantu ababona kulensolo khona kumele babhale ipetition ukuze kulungisiswe masinyane.

Facebook Forum

XS
SM
MD
LG