amalinks wokungena

Breaking News

Imisakazo Isizahlawula Ngedola leMelika Ukuze Iye Emoyeni


Emsakazweni

Inhlangansiso epha imvumo yokusakaza eye Broadvcasting Authority of Zimbabwe (BAZ) isikhweze imali ebhadalwa kulinhlanganiso eyokusakaza esizabhadalwa ngamangedaola dle Melika osokudanise abemisakazo ezimeleyo ikakhulu eyezigaba ethi kuzakubanzima ukuthi baye emoyeni.

NgoLwesihlanu ntambama inhlanganiso yeBAZ yethule lumbiko encwadini kahulumende eyokwethula iziqondiso zakhe eye Government Gazzete okutsho ukuthi sokungumthetho ukuthi abemisakazo babhadale ngedola le Melika.

Umbiko okhitshwe ngabe BAZ uveza ukuba imisakazo edinga imali loba amacommercial stations asezabhadala US $2, 900 ngomnyaka bebhadalae US$5 800 kuminyaka elitshumi njalo bebhadale US$2000 eya esikhwameni se BAZ.

Imisakazo yezigaba izabhadala US$400 ukuphiwa imvumo yokusakaza, ibhadale US$800 okweminyaka engamatshumi ibhadale US$30 ngenyanga.

Lokhu kwethuse abemisakazo eminengi ikakhulu ezimeleyo ngoba besithi inzuzo abayithola kumibiko yokuthengisa, ama advertisement, ibhadalwa nge dola le Zimbabwe.

Abemisakazo kazulu eyaziwa ngokuthi ngama community radio stations, bathi limali izaphazamisa ukusebenza kwabo ngoba bevele bengavunyelwa ukuthola inzuzo yama advertisements ngu mthetho owe Broadcasting Services Act.

Omele inhlanganiso ye Zimbabwe Association of Community Radio Stations uMnu Jerry Zingwevu uthi imali leyi kayihambelani lo mnotho welizwe.

Uqhubeke esithi uhulumende kumele akhangelisise udaba lolu ngoba phansi kwemithetho yelizwe kusebenza imali yakuleli hatshi idola leMelika.

Lokhu kusekwelwe ngu Mnu Zenzo Ncube owe Bayethe FM yona esebenzela esiqintini se Matobo, esabelweni se Matebelaand South.

UMnu Bbaido Ndlovu owe Twasumpuka Community radio eye Binga uthi kumele uhulumende akhangelisise loludaba.

Umthetho we Broadcasting Services Act awuvumeli imisakazo yezigaba ukuthola imali kwamanye amazwe usithi lokhu nxa kungenzakala imisakazo le ingacina isingenelwa umsebenzi wayo ngabantu bakwamanye amazwe.

Imisakazo le inceda kakhulu abantu abasemaphandleni ikakhulu labo abangela ndlela zokuthola imibiko ku internet ngenxa yendaba ezifana lokuswelakala kwamagagasi awe internet lemali yokuthenga idata.

please wait

No media source currently available

0:00 0:05:04 0:00

Facebook Forum

XS
SM
MD
LG