amalinks wokungena

Breaking News

Kulabadabuka eZimbabwe Abanengi Abagqilazwa Labafela Emigodini eStilfontein Kwele South Africa


Kulemigodi eminengi kwele South Africa eyatshiywa ngabamhlophe.

Kulabantu abanengi abadabuka eZimbabwe okucatshangelwa ukuba bavalelwe emigodini eStilfontein kwele South Africa lapho abasetshengiswa khona ngenkani.

Omunye wabo, uHandsome Mathe, usanda kubhubha kuleyondawo. Asenelisanga ukukhuluma ngodaba lolu lamapholisa.

UNkosazana Sukoluhle Mathe, isihlobo sika kamuyi uHandsome, uthi baphelelwe ngokwehlele omunye wabo.

Uthi besebelesikhathi eside bengamboni uHandsome, okukhanya engani wayesetshenziswa njengesigqili.

UNkosazana Mathe uthi kulemibiko ethi banengi abantu okungaziwa ukuba baya ngaphi abesemigodini eStilfontein.

UMnu. Bukhosi Ngwenya, olomnawakhe uLonely ogqilazwa emigodini eStilfontein kwele south Africa, uthi bakhala ngokuvalelwa kwakhe kuleyondawo.

Owabadingela umsebenzi, uMnu. Mduduzi Moyo, uthi laye kuyamethusa okwenzakala eStilfontein, okulemigodi emidala eyatshiywa ngabamhlophe esigcwele abadabuka eZimbabwe abaphanda impilo.

UMoyo uthi laye usebenzela abanye abantu kuleyondawo.

Facebook Forum

XS
SM
MD
LG