amalinks wokungena

Breaking News

Inhloko ZeNdaba Nhlangula 06, 2022


Inhloko ZeNdaba

Washington DC.............

Endabeni zethu namhlanje………

*** Abomanyano wamabandla esiKhristu we Zimbabwe Council of Churches - ZCC bamanyana labanye ilizwe lonke ukukhalela imuli yako Magaisa ngemva kokubhubha kowayeliqgwetha elilodumo uDr Alex Magaisa yena obhubhele kweleNgilande izolo ngeSonto ekuseni ( 5 June 2022 ) ngemva kokuhlaselwa yisifo senhliziyo i-cardiac arrest abezihlobo beveze ukuba lokhu kwenzakale ngesikhathi ephakathi kokwelatshwa.

*** Izibhedlela ezinkulu zelizweni sezikhuphule imbadalo yokuhlolwa kanye leyokulaliswa lapho esezifake imbadalo ngedola leMelika ngesilinganiso sebhanga elikhulu lelizwe eleRBZ. Lokhu kwethuse uzulu ongenelisiyo ukubhadalela ukuthola uncedo lokwelatshwa ngenxa yeholo lenzuzo yakhe eya ilokhe incipha.

*** Lamhlanje eHwange Colliery Company kuqhutshwe isikhumbuzo sengozi eyabulalisa izisebenzi ezedlula amakhulu amane -427, ezafela emgodini wamalahle ngomnyaka ka1972 ngemva kokudubuka kwegasi yeMethane.

*** Lobanje ukuhlasela komkhuhlane weCovid 19 sekungcono kweleSouth Africa khathesi, izizalwane zeZimbabwe ndawonye lezakwele South Africa eziphila legciwane lengculaza eleHIV /AIDS zithi kunengi okuphanjaniswe yiCoronavirus kwezokulandelwa kwendlela yokuphila lengculaza.

***KuLivetalk namhlanje, sikhangela okukhuphuka kwentengo yezinto zonke eZimbabwe kanye lemfa kaDr Alex Magaisa obeyingcwethi ecubungula ezombusazwe owake wasebenzela ihofisi yenhloko kahuumende kuhulumende womanyano oweGNU.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG