amalinks wokungena

Breaking News

EleRussia Selihluthuna Idolobho Elikhulu Empumalanga Yakwele Ukraine


EleUkraine lidinga izikhali ezinkulu zokulwisana lele Russia.

EleUkraine elizama ngamandla wonke ukulwisana lebutho lakwele Russia edolobheni leSievierodonetsk selithwele nzima ngoba eleRussia selizibambe esidukwini kuleyo ndawo kulandela ukuhlasela kwalo ngamandla.

Abezindaba abeReuters babika ukuba eleRussia lilakho ukuhluthuna idolobho leli kunsukwana ezilandelayo njengoba kukhanya engani eleUkraine lithi ibutho kumele lizivikele liphandle kwedolobho leSievierodonetsk.

UMongameli Volodymyr Zelenskyy wakwele Ukraine wethekelela eyinye indawo izolo eseduzane ledolobho leli lapho axoxe khona lamasotsha awakhuthaze ukuba alwe ngamandla. UZelenskyy wethule omunye umbiko ngeSonto lapho akhuthaze abantu elizweni lonke ukuba balwisane ngamandla lebutho lakwele Russia.

Usanda kubika ukuba eleRussia selihluthune umhlabathi kulelolizwe ofika okuyisilinganiso sokungamatshumi amabili ekhulwini – 20 percent.

Ukuze sihlaziye udaba lolu, uGibbs Dube weStudio 7 uxoxe loMnu. Ngqabutho Mabhena, unobhala jikelele webandla leZimbabwe Communist Party, othi kumele eleUkraine lisebenze leleRussia hatshi amazwe entshonalanga.

Facebook Forum

XS
SM
MD
LG