Washington DC.............
Endabeni zethu namhlanje……….
*** Namhlanje inhlanganiso yabongi eyeZINA ithakazelela usuku lweWorld Food Safety Day ngaphansi kwendikimba ethi ‘Safer Food Better Health’. Abezempilakahle bathatha leli thuba ukukhuthaza uzulu ngokugcina kuhle ukudla kanye lokukudla kusasekusimo esiqondileyo.
*** Aqhubeka esiza amazwi enduduzo kumuli yako Magaisa evelela kwabenhlangothi ezitshiyeneyo ngemva kokubhubha kuka Dr Alex Magaisa obeyisikhwicamfundo efundisa esikolo samagqwetha seKent University njalo wake waba ngomunye wabacebisi kalowo owake waba ngumkhokheli kahulumende ( Prime Minister ) umuyi umnumzana Morgan Tsangirayi ngesikhathi sikahulumende womanyano.
*** Ibandla leCitizens Coalition for Change (CCC) lithi livinjwe ngabasekeli beZanu PF ukwenza umhlangano walo wokukhankasela ukhetho esigabeni sakoMangubo, ePlumtree. Kodwa abeZanu PF bathi abeCCC bebezama ukukhankasa emhlanganweni ongasiwo wabo.
***KuLivetalk namhlanje, kuhlelo lwabasakhulayo olwe ‘The Connection’ sixoxa labenhlanganiso ezizimeleyo ngemizamo yabo yokukhuthaza ontanga ukuthi babhalisele ukuvota kukhetho lomnyaka ozayo.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.