amalinks wokungena

Breaking News

Isikhwelile Njalo Intengo yamafutha Ezimota, Idola leZimbabwe Lalo Liqhubeka Lugugudeka


fuel prices

WASHINGTON DC - Intengo yamafutha ezimota isikhwelile njalo, kwazise ugatsha lweZimbabwe Energy Regulatory Authority (ZERA) ngoLwesibili.

I-liter yephethulo ikhuphuke isuka kudola leMelika elilodwa elilama-cents angamatshumi phose ayisikhombisa, US$1.68 yaya kuUS$1.73. Ngedola leZimbabwe, iqonge isuka kuZ$481.00 yaya kuZ$539.00.

I-liter yedizili yona ikhwele isuka kudola leMelika elilodwa elilama-cents angamatshumi edlula kancane ayisikhombisa, US$1.74 yaya kuUS$1.76. Ngemali yeZimbabwe, idizili ikhuphuke isuka kuZ$499.00 yaya kuZ$550.00.

Kusenjalo, idola leZimbabwe lona liqhubeke lilahlekelwa luhlonzi njalo emkambo kahulumende oweForeign Exchange Auction ngoLwesibili.

I-Reserve Bank of Zimbabwe (RBZ) yazise ukuthi idola leMelika elilodwa selithengwa ngamadola aseZimbabwe angamakhulu amathathu alamatshumi amabili lanhlanu, Z$325.00.

Ngeviki edluleyo idola leMelika belithengwa ngeZ$308.00. Ingcwethi kwezenotho zithi lokhu kutsho ukuthi intengo yezinto layo izaqhubeka ikhuphuka.

Facebook Forum

XS
SM
MD
LG