amalinks wokungena

Breaking News

Iziphathamandla Zakwele Botswana Zincoma Amajele Ezimbabwe


Ejele
Ejele

Lanxa amajele eZimbabwe esolwa ngabanengi abathi angcolile kanti lezibotshwa ziminyene kakhulu, iziphathamandla zeBotswana zithi kunengi ezikuncomayo ngemva kokwethelelela eHarare ngenyanga edluleyo.

Usikhomitshi obona ngezemajele kweleBotswana, uNkosikazi Diane Marathe utshele iphalamende yakulelilizwe ukuthi bafunde okunengi ngendlela ezamajele eziphathwa ngayo eZimbabwe.

Ngokunjalo, uthe balesifiso sokulandela eminye imizekeliso, egoqqela udaba lokuvumela abapikayo ukuthi bavakatshele izihlobo labangane ngempelaviki.

“Sifunde kwabanye abaphambili kulathi ekuqhubeni imsebenzi yamajele. Sifunde eZimbabwe lapho abavumela khona abapikayo ukuthi bayevakatshela izihlobo, besenza njalo bathola imiklomelo,” kutsho uMarathe.

Abalwela amalungelo bathi amajele eZimbabwe agcwele kakhulu njalo kahlanzekanga. Lokhu kugcizelelwe ngeleMelika kumbiko eliwethule nyakenye phezu kwesimo samalungelo oluntu eZimbabwe.

Kodwa uMarathe uthi lanxa kunjalo, bathande udaba lokuthi eZimbabwe ezinye izibotshwa ziyavulelwa ziyebona izimuli ngempelasonto, okuyinto athi izipha ithuba lokuya emacansini. Lokhu akwenzali kweleBotswana.

“Ludaba olunzima, asiyali ukuthi bakhona abangena emancansini ejele kodwa lokhu akukho emthethweni. Kumele sikukhangelisise.”

Kusenjalo, kulabeZimbabwe abadlula amakhulu amahlanu abasemajele kweleBotswana. Amazwe womabili eselobelane isivumelwano sokuthi bavunyelwe ukubuyela ekhaya ukuyaqedisa izigwebo zabo. Kulehlekana labeBotswana labo abasemajele kweleZimbabwe. Ngokufanayo, labo bazavunyelwa ukuphenduka kibo ukuya qhubeka bepika.

Abantu balembono ehlukeneyo ngaloludaba. Nansi isizalwane seZimbabwe esihlala kweleBotswana uMnu Mkhululi.

“Bekungaba kuhle ukuthi umuntu azikhethele ngoba uzathola ukuthi noma kulecala alenzileyo, kukhona akubalekela ekhaya, ngakho uma esebuyiselwa kusuka kube yinkinga.

Akumelanga bebanjwe ngamandla,” kutsho uMkhululi. Kusenjalo uMarathe uthi eleBotswana alisoke linikeze abasemajele amakhondomu ngoba kungavunyelwa ukuthi bangene emancansini.

Bekulokukhathazeka kwamanye amalunga edale lephalamende ukuthi kulokumemetheka kwegciwane leHIV emajele, ngakho kungaba licebo elihle ukuthi baphiwe okungaba phathisa ukuthi bazivikele.

please wait

No media source currently available

0:00 0:02:31 0:00

XS
SM
MD
LG