amalinks wokungena

Breaking News

Amalunga Ebandla leZapu Asemhlanganweni Wesikhumbuzo Sikamuyi uDumiso Dabengwa Akhala Ngokwenzakala eZimbabwe


Laba ngabanye abathe gwaqa Egoli bekhumbula uDumiso Dabengwa

Amalunga ebandla leZapu eSouth Africa namuhla athe gwaqa eBoysens Hotel eJohannesburg ekhumbula impilo kamuyi owayengumkhokheli waleli bandla, uMnu. Dumiso Dabengwa.

Aabengabalweli bempi yenkululeko kuviyo leZipra bebehaya amahubo abakhumbuza umkhokheli wabo uDabengwa. OkaDabengwa ubhubhe eminyakeni emithathu edluleyo mhla ziku 23 Nkwenkwezi.

Izikhulumi zonke ezethule inkulumo kulo umbuthano bezimchaza njengenkokheli ebilesineke, ilalela, ikhaliphile njalo ilamacebo abambekayo okuthuthukisa ilizwe.

Owalwa impi yenkululeko, uMnu. James Chauke, uthe okuqakatheke kakhulu okwenziwa nguDabengwa yikukhipha iZapu kumanyano wayo leZanu PF.

Obona ngokuhlelwa kwenhlelo zeZapu, uMnu. Andrew Thebe, uthe usizi yikuthi ababusayo eZimbabwe sebelahlile inhloso zempi yenkululeko.

“Asikhumbuleni ukuthi during armed struggle kwakulwelwani. Kwakulwela ukuthi indlu emnyama ikwazi kuvota. Indlu emnyama ibe lamalungelo a equal. IZapu answered the question of land. ODabengwa they were pioneers of that. Let’s remember ukuthi iZapu had a government in waiting.

Esinye isiphathamandla seZapu, uNkosazana Vuyani Hlazo, uthe njengabomama bafuna ukubona isifiso sikaDabengwa sokuthi omama labo baphathe izikhundla zikahulumende sigcwaliseka.

Sicindezeke kakhulu njengabomama. Yikho vele singamatarget noma kusenzeka ini kulandwa omama kuqala. Ibuhlungu kakhulu leyonto. Ngicabanga ukuthi omama kufanele ukuthi siphakame silimele ilizwe lethu. Singabi ngamasoft target sibonakale ukuthi lathi singabantu.

UNkosazana Thobekile Ncube, Ophethe ezezimali kulutsha lweZapu eSouth Africa, uthi sekuyisikhathi sokuthi iZapu layo ithole ithuba lokubusa.

Umsebenzi phambili coz okwamanje we are here eSouth Africa we have to hide our identity sisebenzise amaphepha angasiwo wethu. Abantu bayahlukunyezwa, bayabulawa, bayagijinyiswa siyabotshwa. But engikufunayo yikuthi kube lendlela zokuthi kutholakale imisebenzi sikwazi ukuyasebenza ekhaya.

Loba kunjalo abanye bathi kusasekunengi okuzafuze kwenziwe libandla leZapu nxa lifuna ukubusa. Lokhu kugoqela ukwazakala elizweni lonke, ukubalengatsha ezigabeni zonke zelizwe, kanye lokunqoba ekhethweni lwamakhansila labameli bedale lephalamende. Inkosi yesizwe sika Mthwakazi, uBulelani kaMzilikazi kaLobhengula, laye ubekhona kulo umbuthano.

Facebook Forum

XS
SM
MD
LG