amalinks wokungena

Breaking News

Inhlanganiso ye IMF Ithi EleZimbabwe Ngelinye Lamazwe Alwisana Lenkohlakalo


Antoinette Sayeh, Umqondisi we Africa Department Kunhlanganiso ye International Monetary Fund
Antoinette Sayeh, Umqondisi we Africa Department Kunhlanganiso ye International Monetary Fund

Inhlanganiso ephathisa amazwe ngemali, eye International Monetary Fund, ithi eleZimbabwe ngelinye lamazwe ayenza kuhle ekulwisaneni lenkohlakalo kulandela ukubunjwa komthetho owenqabela ukusetshenziswa mahlayana kwemali, owe anti-laundering.

Umsekeli kamqondisi we nhlanganiso ye IMF unkosikazi Antoinette Sayeh uthi eleZimbabwe lingamanye lamazwe asendleleni eqondileyo yokulwisana lenkohlakalo.

Ngasikhathi evula umhlangano weAfrica phezu kokulwisana lenkohlakalo owenzelwe eGaborone ngoMvulo, uSayeh uthi eleZimbabwe njengamanye amazwe, selafaka imthetho ekhangelane lokungena lokuphuma okungaqondanga kwemali elizweni, owe anti-money laundering.

“Inkokheli yezwekazi leAfrica bayazama ukulwisana lenkhohlakalo. Sibone ukuphathwa kuhle kwesikhwama semali emazweni afana leGambia, Liberia kanye leSenegal. EleBotswana, Zimbabwe, Mauritius kanye leGhana asebumbe imthetho phezu kwemizamo yokulwisana lokuphathwa butshapha bemali.”

Kodwa ukufakwa kweZimbabwe phakathi kwamazwe ayenza kuhle ekulwiseni inkohlakalo kuyethuse abafana lomnunzana Zenzo Moyo yena ocubungula ngezombusazwe.

“Lokhu akutsho ukuthi ilizwe leZimbabwe seliqede uhlupho lwe corruption. Imthetho le ikhona ephepheni kodwa ukusetshenziswa kwalomthetho yikho okusuka kube yinkinga.”

Kungumbono kaMoyo ukuthi ngabe imthetho le iyasebenza njengo ikhona ephepheni, ngabe akulakulahleka kwemali kahulumende mahlayana.

“Sisese khatshana kakhulu ukuthi sigoqe ukuthi icorruption ayisekho eZimbabwe. Uma kungakafiki kusigaba sokuthi iIMF ithumele iqula layo ukuthi liyezibonela okwenzeka eZimbabwe, asingeke sithi imthetho le iyasebenza.”

Kusenjalo umqondisi ngaphansi kwenhlanganiso yeAfrican Union Commission, umnunzana Djamel Ghrib uthi izwekazi leAfrica lisalele emuva kakhulu ekulwiseni inkohlakalo.

“Inkhohlakalo ilokhe ikhona njalo izwekazi leAfrica yilo elihamba ngemuva ekulwiseni isifo lesi. Kumele sisebenzise ulwazi lwakulezinsuku ukuthi silwisane le nkohlakalo.”

Umhlangano wokulwisana lenkohlakalo kanye lokuthuthukisa indlela engcono yokubusa amazwe eAfrica uzagqitshwa ngoLwesibili.

Iziphathamandla zebhanga leZimbabwe (iRBZ) kanye labaphuma kuhlangothi lokubona ukuthi imali ayingeni njemahlayana elizweni okungekho emthethweni, abe Anti-Money Laundering Unit, bangenele lomhlangano oyenzelwe eGaborone.

please wait

No media source currently available

0:00 0:03:10 0:00

XS
SM
MD
LG