amalinks wokungena

Breaking News

Amapholisa Abopha uJob Sikhala Okubadla leCCC Njalo Omele Umdeni Kamuyi uMoreblessing Ali


UMnu. Job Sikhala, uMnu. Tendai Biti, uMnu. Chalton Hwende, uMadzibaba weShanduko labanye abahambe esikhumbuzweni sikamuyi uMoreblessing Ali ngoLwesibili. (VOA)

Amapholisa asebophe uMnu. Job Sikhala, ilunga lebandla leCitizens Coalition for Change (CCC), owetheswa icala lokutshotshozela udlakela.

USikhala utshele umsakazo weStudio 7 ukuthi usenkambeni yamapholisa eHarare Central Police Station kuhlangothi lweLaw and Order Section.

USikhala ubotshwe esanda kuvele esikhumbuzweni sikamuyi uNkosikazi Moreblessing Ali, okucatshangelwa ukuba wabulawa ngamalunga ebandla leZanu PF.

Isidumbu sakhe esiyiziqa ezintathu sitholakale kunsukwana ezedluleyo siphoselwe emgodini wamanzi eNyatsime esigabeni seBeatrice.

Amapholisa athi wabulawa ngowayethandana laye uPius Jamba hatshi amalunga ebandla elibusayo;

Ibandla leCCC lithi alithandabuzi ukuba wagangadwa ngamalunga ebandla leCCC.

Bekuxokozela ngoLwesibili ngesikhathi kusenziwa isikhumbuzo sika Nkosikazi Ali eNyatsime.

Kusanda kubulawa elinye njalo ilunga lebandla leCCC, uMnu. Langelihle Zonda Dube, obulewe esendlini yakhe koBulawayo. Waganyulwa ngamabhemba. Amapholisa athi wabulawa ngamasela kodwa abakubandla leCCC bathi kulesandla semfeni ekufeni kwakhe.

Facebook Forum

XS
SM
MD
LG