amalinks wokungena

Breaking News

Izakhamizi zeGwanda Zithi Luyanyonyoba Uhlelo Lokwakhiwa kweDamu le Tuli-Manyange


Idamu leTuli-Manyange

Izakhamizi zesiqintini seGwanda seziveze imbono etshiyeneyo ngohlelo lokwakhiwa kwedamu leTuli Manyange, inengi lisithi aluphutshi. Idamu leli lingakhiwa, likhangelelwe ukusiza izakhamizi zalindawo ngamanzi azaphathisa kunhlelo zokuthelezela.

UMnu. Arabile Mathe odabuka kuWard 14 eNtepe uthi ukwakhiwa kwedamu leli akuphutshi njalo ukhathazekile ngokungaqhatshwa kwezakhamizi zalindawo kuloluhlelo.

UMnu. Million Ndlovu ozalwa eNtepe uthi sekulesikhathi eside lelidamu kuthiwa liyakhiwa kodwa kungekho okuphutshayo.

Uthi lelidamu lingaphutsha lizasiza kakhulu izakhamizi zakulumango ezibhekane lendlala ngenxa yokungani kuhle kwezulu.

UMnu. Vusa Nkala oyisakhamuzi seGungwe phansi kweNduna uMathe uvumelana loMnu. Ndlovu.

Ukhansila kaWard 13 eGwanda uMnu. Miclas Ndlovu uthi lanxa ukwakhiwa kwedamu leli kuqhubeka, kuphazanyiswa yikusilela kwemali.

USobhuku weNtepe uMnu. Jokonia Dube uthi ulethemba lokuthi uhulumende okhokhelwa ngomongameli Emmerson Mnangagwa uzaphutshisa ukwakhiwa kwalelidamu.

Isikhulumeli sogatsha olubona ngamadamu olweZimbabwe National Water Authority uNkosikazi Marjorie Manyonga kaphendulanga imbuzo ngaloludaba, kodwa ngenyanga edluleyo, wethule umbiko othi uhlelo lolu lukhangelelwe ukugqitshwa ekupheleni komnyaka ozayo.

please wait
Embed

No media source currently available

0:00 0:04:15 0:00

Facebook Forum

XS
SM
MD
LG