amalinks wokungena

Breaking News

Uhulumende Uthi Uzaqhubeka Elwisana Lokusetshenziswa Kwezidakamizwa Ngabasakhulayo


Umongameli Emmerson Mnangagwa

EleZimbabwe ngoMgqibelo liqhube umkhosi wokunanza usuku oluqakathekisa abantwana labatsha abakuzwekazi leAfrica olwe the Day of the African Child eHarare lapho abakhokheli bedale lephalamende abakhalaze ukuthi uhulumende adinge indlela zokuqeda ukwendiswa kwabantwana lokusetshenziswa kwezidakamizwa.

Lokhu ngokunye kokuvezwe yinkokheli yabatsha esanda ukukhethwa kudale labasakhulayo ele Junior Parliament emkhosini oqhutshelwe eCity Sports Centre eHarare lapho obekuthe gwaqa iziphathamandla zikahulumende.

Esethula umbiko wakhe kulumkhosi, umongameli wedale labatsha u-Unathi Nyoni, ukubeke sobala ukuba kumele kudingwe indlela zokuqeda lezindubo abatsha ababhekane lazo kakhulukazi ukusetshenziswa kwezidakamizwa.

Kusenjalo, umongameli Emmerson Mnangagwa uthe ugatsha lukahulumende olwe Inter-Ministerial Committee on Drugs and Substance Abuse luzasebenza gadalala ukuqeda udubo lwezidakamizwa.

Umongameli Mnangagwa uqhubeke wathi kumqoka ukuba abasakhulayo bengazikhangeleli phansi njalo beqhubeke belondoloza ubuntu babo kanye lokuqakathekisa indimi abazikhulumayo.

Omunye wabasakhulayo wakoBulawayo uNosisa Gumede uthi ukusetshenziswa kwezidakamizwa kubhahile emalokitshini lapho ahlala khona.

Wengeze uNosisa wathi kuqakathekile ukuthi kulungiswe isimo somnotho welizwe ngendlela yokuqeda inkinga ezibhekane labasakhulayo.

Uhulumende uthethe lelithuba ukuvula ngokusemthethweni idale lephalamende labatsha; ele-30th session of the children’s parliament. Lonyaka lolusuku lunanzwa phansi kwendikimba yokwenqabela inkinga ezingehlela abasakhulayo, ethi: Eliminating Harmful Practices Affecting Children: Progress on Policy and Practices since 2013.

please wait
Embed

No media source currently available

0:00 0:03:22 0:00

Facebook Forum

XS
SM
MD
LG