amalinks wokungena

Breaking News

Lidume Ledlula Obaba Abathwele Nzima eZimbabwe Bevule Amehlo Befisa Ukuphiwa Izipho Ngosuku lweFathers Day


Fathers Day

Umhlaba wonke jikelele namuhla unanza usuku lwabobaba olweFathers’ Day ngesikhathi abesilisa eZimbabwe besehluleka ukuselela imuli zabo ngenxa yesimo esibi somnotho.

Kwamanye amazwe lemuli ezimbablwa eZimbabwe benzele obaba idili lokunanaza usuku lwabo inengi labomama lisithi lehlulekile ukubenzela okuhle ngenxa yokugugudeka komnotho. UNkosikazi Abigirl Nyoni uthi kunzima lonyaka ukuthokozisa ubaba wezingane zakhe.

“Usuku lweFathers Day siyalunanza kodwa isimo somnotho asisavumi ukuthi sithakazelele ilanga leli ngoba nginje ngehlulekile ukujabulisa umyeni wami ngoba umnotho welizwe uwile.”

UDokotela Mildred Mnkanda uthi uzamile ukujabulisa isoka lakhe loba kungafani leminyaka edluleyo.

“Lelilanga sakhula singakalazi kodwa sesalithathela phezulu ngoba kunje asisalijabuleli njengensukwini ngoba umnotho welizwe ubhazalele buye lamakhosikazi amanengi ayehlulekile ukujabulisa omkabo ngibabone bengena bephuma emavinkilini bengathenganga lutho ngoba intengo yempahla ikhuphuke kakhulu.”

Sixoxe njalo loNkosikazi Sanelisiwe Hadebe-Tshuma othi, “Kunzima kulez’insuku kodwa enkonzweni ezehlukeneyo ilanga kabobaba linanziwe ngoba bezimkokheli kodwa engizibuzakhona yikuthi njengoba inengi labomama yilo eseligcine imizi obaba kubaphathanjani ngoba sebesehluleka ukuselela imuli zabo.”

UMnu. Mandla Tshuma, ubaba wengane eyodwa, uthi luqakathekile usuku lolu.

“Ilanga leFathers Day libalulekile kakhulu empilweni zethu uhlupho olukhona yikuba inengi labobaba selisehluleka ukunakekela imuli zabo kungesikuthanda ngoba umnotho welizwe usumi manzonzo kubuye njalo intengo yakho konke elizweni kukhuphukile abantu sebephila nzima okwenza imuli ezinengi zehluleke ukujabulisana.”

Lwedlule usuku lwabobaba abanye bengatholanga izipho eziqakathekileyo. Kodwa kusobala ukuba obaba baqakathekile ekuphileni kwemuli zonke emhlabeni wonke jikelele.

Facebook Forum

XS
SM
MD
LG