amalinks wokungena

Breaking News

Ziyedlula Inkulungwane Ezingamatshumi Amabili Iziphepheli EziseZimbabwe:UNHCR


Abekomishini ebona ngeziphepheli enhlangnisweni yomanyano wamazwe womhlaba eye United Nations High Commissioner for Refugees (UNHCR) bethule umbiko ngoMvulo besithi eZimbabwe kulabantu abaphose bafike inkulungwane ezilitshumi-9,807, asebaphiwa imvumo yokuhlala elizweni njengeziphepheli,

Ele Zimbabwe libikwa ligcine iziphepheli ezizinkulungwane ezedlula amatshumi amabili lengxenye-22,568, ezabelekela umumo emazweni afana le democratic republic of congo, Rwanda, Burundi, le Mozambique.

Abekomishini ebona ngeziphepheli enhlangnisweni yomanyano wamazwe womhlaba eye United Nations High Commissioner for Refugees (UNHCR) bethule umbiko ngoMvulo besithi eZimbabwe kulabantu abaphose bafike inkulungwane ezilitshumi-9,807, asebaphiwa imvumo yokuhlala elizweni njengeziphepheli, kuthi abazinkulungwane eziphose zifike kwezilitshumi lantathu-12,761 bafaka izicelo zokuphiwa ingwalo zokuba yiziphepheli.

Phakathi kwaleli nani isilinganiso sokwedlula amatshumi ayisikhombisa ekhulwini-74%, ngabantu abadabuka kwele DRC, belandelwa ngabayisilinganiso sokwedlula itshumi ekhulwini (11%) abadabuka kweleMozambique.

Lumbiko abe UNHCR bawethule izolo kunanzwa usuku olwe World Refugee Day, bekhuthaza amazwe womhlaba ukuhlonipha ilungelo leziphepheli.

Inengi labaphephela eZimbabwe lihlala enkambeni yeziphepheli eye Tongogara Refugee Camp esigabeni seManicaland.

XS
SM
MD
LG