amalinks wokungena

Breaking News

Paulinus Sikosana: Balutshwana Abongi Abakhalala Umsebenzi Njalo Abakhulumi Ngokuhola Idola leMelika


Umkhokheli wohlangothi lweHealth Services Board, uDokotela Paulinus Sikhosana.

UDokotela Paulinus Sikosana, umqondisi wohlangothi oluqhatsha abongi, odokotela labanye abazempilakahle, uthi balutshwana abakhalala umsebenzi eZimbabwe njalo abakhulumi ngokuholiswa idola leMelika.

USikosana utshele iStudio 7 namuhla ukuba abakhalala umsebenzi besesibhedlela seChinhoyi General Hospital, eParirenyatwa lapho abatshengisela khona ekuseni bebuyele emsebenzini lesibhedlela esikhulu eNkabazwe.

Uthi konke kuhamba kahle eMpilo, Ingutsheni, United Bulawayo Hospital lezinye.

USikosana uthi abezempilakahle asekhulume labo emihlanganweni etshiyeneyo, bakhuluma ngokuhola ama-allowances ngedola leMelika hatshi ukuba bathole iholo ngemali le.

Uthi ulethemba lokuthi konke lokhu kuzalungiswa ngesiphangiphangi.

Abongi, odokotela labanye abezempilakahle abakhulume lomsakazo weStudio 7 bathi alisathengi lutho idola leZimbabwe ngakho-ke kumele behole idola leMelika.

Facebook Forum

XS
SM
MD
LG