amalinks wokungena

Breaking News

Idale leSupreme Court Lesula Umthetho Wokukhipha Izisu Owaqala Ukusetshenziswa eMelika Ngomnyaka ka1973


Anti-abortion activists celebrate outside the Supreme Court after its decision to overturn its 1973 abortion ruling known as Roe v. Wade.
Anti-abortion activists celebrate outside the Supreme Court after its decision to overturn its 1973 abortion ruling known as Roe v. Wade.

Idale leSupreme Court kwele Melika selesule umthetho omdala obuvumela abantu ukuba bekhiphe izisu okusemthethweni, ikakhulu labo abadlwengulweyo, abakhubazeke emzimbeni labanye.

Lokhu sokwethuse abantu abanengi abasekela umthetho lo kwathabisa njalo abangafuni ukuba abantu bekhuphe izisu.

Izabelo sokumele kube yizo ezilawula ukuba kwenziweni uma umuntu efisa ukukhupha isisu. Abahluleli abayisithupha bavumelene ukuba kwesulwe umthetho lo.

Bekukhangelelwe ukuba lokhu kuzakwenzakala ngoba umthethwandaba weSupreme Court ulabehluleli abanengi abakubandla lama Republicans abasekela ukwesulwa komthetho lo, owaziwa ngokuthi Roe v. Wade, owethulwa edale leli ngomnyaka ka1973.

Abakunhlanganiso yeGuttmacher Institute, abasekela ukwesulwa komthetho wokukhipha izisu, bathi kukhangelelwe ukuba izabelo ezingamatshumi amabili lasithupha – 26 zizavimba abafisa ukukhipha izisu ngesiphangiphangi.

Inhlanganiso le ithi lokhu kuzakwenza ukuba abafisa ukukhiphe izisu bahambe kwezinye izabelo.

Kulenhlanganiso ezinengi ezisola okwanziwe yiSupreme Court zisithi isinqumo sedale leli sizaphazamisa abesifazana abanengi elizweni lonke.

Kodwa abathakazelela okwenzakale ngoLwesihlanu bathi akumelanga abantu bethathe imiphefumulo yabantwana mahlayana.

UMongameli Biden utshele abezindaba eWhite House ukuba abantu batshengisele ngokuthula kulandela ukwesulwa komthetho lo.

UBiden uthe, “Akumelanga abantu bethuselane. Udlakela alulunganga.” Wengeze esithi okwenziwe ngumthethwandaba weSupreme Court kubisele ilizwe leMelika ngeminyaka engamakhulu amahlanu lamatshumi amahlanu – 150.

Igqwetha elikhulu lakwele Melika, uMnu. Merrick Garland, laye ukhuthaze abantu ukuba betshengisele ngokuthula.

XS
SM
MD
LG