WASHINGTON DC - Isilinganiso sokukhwela kwentengo yempahla ezitolo ngomnyaka, i-year-on-year inflation, ikhuphukile ngezinga eliphezulu isuka ku131.7 percent ngenyanga edluleyo yaya ku191.6 percent kulinyanga.
Lokhu kutsho ukuthi i-inflation ikhwele nge60 percent kunyanga eyodwa kuphela. Imonth-on-month inflation yona ikhwele isuka ku21 percent ngenyanga edluleyo yaya ku30.7 percent.
Lokhu kwaziswe lugatsha olubona ngezamanani olweZimbabwe National Statistic Agency ngoMgqibelo.
Lumbiko uza ngesikhathi uhulumende esekhweze njalo intengo yamafutha ezimota. Ngemali yeMelika, i-liter yephethulo ikhwele isuka kuUS$1.76 yaya kuUS$1.88. Iphethulo yona ikhwele isuka kuUS$1.73 yaya kuUS$1.77.
UMongameli Emmerson Mnangagwa ubethembise ukwazisa uzulu ngoMgqibelo ngamanyathelo asethathwa nguhulumende wakhe phezu kodaba lokukhwela mahlayana kwentengo.
Kodwa sisiya emoyeni ntambama, ubelokhe engakawethuli lumbiko.
Unobhala jikelele weZCTU uMnu Japhet Moyo utshele iStudio 7 ukuthi ukukhwela kwe-inflation ndawonye lentengo yamafutha ezimota kwengeza ubunzima empilweni kazulu.
