Kulesakhamuzi eMakorokoro okuthiwa sivalelwe entilongweni okweminyaka engamatshumi amabili kulandela ukudlwengula umntwana wakhe labazuluku.
Sisebenzisa isibongo sakhe sako Ndlovu kudaba lolu ukwenzela ukuvikela abantwana bakhe. Umkakhe wabaleka wayaphephela kwele Botswana kulandela ukukhahlanyezwa kwakhe nguNdlovu.
Umantshi wethule isigwebo lesi ngeviki ephelileyo. Umsakazo weStudio 7 ewaveza udaba lolu, ikhuluma ngemicabadala le lezakhamizi kulandela ukugwetshwa kuka Ndlovu.
Umkakhe, uNkosikazi Thabitha Mtobi Moyo, osehlala kwele Botswana, uthakazelela ukuvalelwa entilongweni kuka Ndlovu.
UKhansila wesigaba lesi, uNkoskazi Loise Phuthi, uyakusekela ukuvalelwa kuka Ndlovu entilongweni.
Ukhulu wabantwana abadlwengulweyo, uMnu. Cornelius Ndlovu, ubonga bonke abaphathise ekubotshweni kuka Ndlovu. Kodwa kasuthiseki ngokuvalelwa kwakhe.
Umakhelwane, uNkosikaxi Sofa Malaba, uthakazelela okwenziwe ngabantu, ingatsha zikahulumende lomsakazo weStudio 7.
Isakhamuzi seMakorokoro, uMnu. Alpheous Ndlovu, uthi
kunengi okumele kwenzakale emzini kaNdlovu.
Asenelisanga ukukhuluma legqwetha lika Ndlovu ngodaba lolu.