Bayatshengisela abanye abantu eMelika bekhonona ngedale leSupreme Court elesule isiqa esikusisekelo selizwe ebesivumela abantu ukube bekhuphe izisu.
Lokhu betshengisela abantu elizweni leli kulandela ukwethulwa kwesinqumo lesi ngoLwesihlanu. Inhlanganiso ezisebenzelana lozulu ekhukhipheni izisu ezingafunakaliyo, ithi isimile kancane ukwenza lokhu eTexas.
Kulezabelo ezifika amatshumi amabili lasithupha – 26 ezilakho ukuvimba ukukhitshwa kwezisu kulandela isinqumo sedale leSupreme Court esichothozwa nguhulumende kaMongameli Joseph Biden. Kodwa bakhona abanye abasekela okwenziwe lidale leli.
Kuyini okuzakwenzakala kwamanye amazwe kulandela isinqumo lesi? Ukuze sizwe okunengi ngodaba lolu, sixoxe loMnu. Matshobana Ncube, igqwetha elilwela ilungelo loluntu.