Abalandela ezombusazwe bathi ibandla le-Zanu PF litshotshozela udlakela ngesikhathi eleZimbabwe lilungiselela ukhetho oluzakwenziwa ngomnyaka ozayo.
Bathi ukubulawa kwamalunga ebandla leCitizens Coalition for Change kuveza ukuba ibandla elibusayo lesaba ukunqotshwa kukhetho oluzayo ngele CCC.
UMnu. Ambrose Sibindi, okunhlanganiso yezakhamisi eyeBulawayo Progressive Residents’ Association, ngomunye wabethuswa ngokwenzakala elizweni.
Ilunga lebandla leZanu PF, uMnu. Elifasi Mashaba uthi abatshotshozeli udlakela.
Okwamanje kubotshwe amalunga eCCC, uMnu. Job Sikhala loMnu. Godfrey Sithole, okuthiwa batshotshozela udlakela. Isiphathamandla sohlangothi olubona ngezemithetho, uMnu. Ziyambi Ziyambi, uthi uhulumende kaMongameli Emmerson Mnangagwa uhlonipha ilungelo loluntu ngakho-ke kakhahlamezi abaphikisayo