amalinks wokungena

Breaking News

Ababalisi Abangamalunga eARTUZ Bathi Bazakuya Emsebenzini Kabili Ngeviki


Amalgamated Rural Teachers Union of Zimbabwe

Abe ARTUZ bathi bavumelene njalo ukuthi ngoLwesibili maviki wonke bazabe begqoke ezimnyama, bekhuthaza izisebenzi zonke zikahulumende ukuba zabasekele ngokugqoka ezimnyama libe lilanga abazalibiza ngokuthi #BlackTuesday.

Abenhlanganiso emela ababalisi eye Amalgamated Rural Teachers Union of Zimbabwe, bethule umbiko othi ngemva kokuhlala kwedale lenkokheli yabo, ele ARTUZ National Executive Committee licubungula ukukhalala umsebenzi okwenziwe ngamalunga ngeviki edluleyo, baphume lesinqumo sokuya emsebenzini kabili ngeviki, ngoMvulo laNgolwesibili kuphela.

Abe ARTUZ bathi bavumelene njalo ukuthi ngoLwesibili maviki wonke bazabe begqoke ezimnyama, bekhuthaza izisebenzi zonke zikahulumende ukuba zabasekele ngokugqoka ezimnyama libe lilanga abazalibiza ngokuthi #BlackTuesday.

Lokhu bathi bazakwenza njengendlela yokutshengisela ukukhonona kwabo ngokuvalelwa komkhokheli wabo uMnu. Obert Masaraure lokukhuthaza ukuthi akhululwe ngokuphangisa. Lumkhankaso wokutshengisela bathi bazawenzela njalo ezinkundleni zebulenjini aze akhululwe uMasaraure.

Bathi njalo abe ARTUZ bafuna njalo umqatshi ukuthi aqhubeke ekhulumisana lenkokheli yabo phezu kwezikhalazo zabo zeholo phansi kweziqondiso zesisekelo sombuso phansi kwesahluko(Section 203).

Bathi njalo bakhathazekile ngamaqinga akahulumende wokukhanga ezinye inhlanganiso zababalisi ngeholo elingancedi lutho lokuyenga amalunga ngokuwathembisa okungaphumi lutho. Ngakwelinye amalunga enhlanganiso ezingavumi ukuyengwa ngamanga abe sethuselwa lokubazelwa amacala amanga bebotsha njengalokho osokwenziwe umkhokheli owe ARTUZ uMasaraure.

Embikweni wabo abe ARTUZ bakubeke sobala ukuba sebekunanzelele ukuthi umqatshi akaziqakathekisi izikhalazo zababalisi njalo inkulumo phakathi kwamacele womabili kazisoze zibe lezithelo nxa elinye icele lingazinikeli ekulungisiseni izikhalazo zelinye icele. Okunye abakuququzelayo ababalisi yikubuyiselwa kweholo labo kulelo ababelithola ngaphambilini ngomnyaka ka2018 elamadola eMelika, aphezu kwamakhulu amahlanu- US$540.

Bathi njalo ukutshengisela kwabo ngokubuya emsebenzini okwensuku ezimbili ngeviki lokhu ayisilo nyahela lokucina kodwa ngelokunika isikhathi umqatshi ukuthi akhangelisise izikhalazo zabo. Nxa engathulisa engazihluphi ngokulungisisa inhlupho zabo bazahlala phansi njalo babone ukuthi bangathatha liphi elinye inyathelo.

Facebook Forum

XS
SM
MD
LG