amalinks wokungena

Breaking News

Izitolo, Abathengisa Emigwaqweni Abasalifuni Idola leZimbabwe


New Money Currency 5

Izitolo ezinengi labathengisa impahla etshiyeneyo emigwaqweni koBulawayo kabasalemukeli idola leZimbabwe.

Osomabhizimusi, abathengisa amatamatisi, izigqoko lokunye emigwaqweni bathi seliphele amandla idollar leZimbabwe kulandela ukuvunyelwa kwabantu ukuba bethengise impahla ngamadola eMelika okumele isisindo salo sihambelane lokwethulwe emkambo wemali nsukuzonke eZimbabwe.

UNkosazana Pretty Mpofu, othengisa impahla etshiyeneyo emigwaqweni, uthi asebenza labo kabasalamukeli idola leZimbabwe ngoba alisathengi lutho.

UMaMpofu uthi okwamanje idola elilodwa leMelika libiza amadola angamakhulu ayisikhombisa – ZWL$700 emkambo wensitha.

Uthi nxa umuntu efisa ukusebenzisa idola leZimbabwe sokumele athwale amaqubaquba email ukwenzela ukuthenga impahla eyingcosana.

UMaMpofu uthi okuhlupha kakhulu yikuthi ungathengisa ngedola leZimbabwe awusoze wenelise ukuthenga eyinye impahla yokuthengisa emigwaqweni.

Lokhu kusekelwe nguMnu. Anglistone sibanda, umqondisi wenkampani yeGreen Afrique Technologies.

Facebook Forum

XS
SM
MD
LG