Isikhulumeli sebandla le CCC, uNkosazana Fadzayi Mahere ukhweza emthethwandaba udaba lokuthi intathelizindaba, uEdmund Kudzayi, ufuna ukuhaza ebulenjini imfanekiso yakhe enqunu elejaha elithetheyo.
UKudzayi ngeSonto wayethe uzaphanyeka ebulenjini bokuxhumana, iTwitter ngoba efuna ukutshengisa ukuthi uMahere ugcwele inkohlakalo ngokuthandana lamadoda abanikazi.
Kodwa izolo uKudzayi, owake waba ngumhleli wephephandaba le Sunday Mail, uthe usemile kancane ukwethula imfanekiso le ngoba engcengwe ngomunye oyazana laye kunye lo Mahere ukuthi engazayiphanyeka.
Kodwa abalandeli bebandla le CCC bathi bayasekela uMahere ngoba engathathwanga njalo elelungelo lokuthandaba laloba ngubani.
Sixoxe lomkhokheli wenhlanganiso elwela ilungelo labesifazana, eye Zimimbokodo, uNkosazana Victress Mathathu.
