amalinks wokungena

Breaking News

Umbukiso Wezokwemba oweMine Entra Uzakwenziwa Lonyaka Ngemva Kokumiswa Okweminyaka emibili


Mine Entra 2022

Amankampani alikhulu lamatshumi amane-140, abikwa asebhalisile isifiso sokuphatheka kumbukiso walonyaka oweMine Entra 2022.

Amalungiselelo ombukiso wabakumsebenzi wezokwemba oweMine Entra, obusuleminyaka emibili ungenziwa ngenxa yokuqhamuka kweCoronavirus, abikwa asekuzinga laphezulu.

Amankampani alikhulu lamatshumi amane-140, abikwa asebhalisile isifiso sokuphatheka kumbukiso walonyaka oweMine Entra 2022.

Lokhu kwethulwe ngumqondisi olawula umbukiso wezokuthengiselana oweZimbabwe lnternational Trade Fair, uMnu. Nicholas Ndebele.

“UMongameli Emmerson Mnangagwa nguye ozavula umbukiso walonyaka Mine Entra njalo lokhu sikhangelele ukuba umbukiso walonyaka ulethe ibhizimusi edolobheni lakoBulawayo kwabathengisa ukudla labalezindlu zokuhlala izethekeli njalo siqeda ukuba lombukiso weZITF owagqjtshwa kahle njalo idolobho libelomkhosi wokuthajazelela ilanga likazibuse konke lokhu kuletha ibhizimusi ezweni.”

U Ndebele uqhubekele phambili esithi amalungiselelo ombukiso wezokwemba asefike esibangeni esiphezulu.

“Amankampani adlula ikhulu lamatshumi amane asebhalisele ukuzobukisa kuSilver Jubilee Mine Entra 2022 kuthi lamazwe abalisa iBritain, China leSouth Africa lawo azabe ebukisa kumbukiso lo kusukela mhlaka 20 kusiya ku22 kuyonale inyanga.”

Abenkampani kahulumende eqondisa umsebenzi wokwethekelelwa kwelizwe eyeZimbabwe Tourism Authority koBulawayo bathi umbukiso oweMine Entra uzanceda kakhulu ukuthuthukisa inani lezethekeli lebhizimusi.

UMqondisi weZimbabwe Tourism Authority KoBulawayo uNkosikazi Novuyo Mathonsi uchasisa ngezethekeli abazikhangeleleyo.

“Umbukiso weMine Entra sikhangelele ukuba uthuthukise inani lebhizimusi koBulawayo izethekeli zenelise ukuyafika eMatopo National Park kanye lokubuka ezinye zezakhiwe ezikulelidolobho kuhkanganisa lesithombe sikaBaba uJoshua Nkomo.”

Umbukiso owe Mine Entra umanyanisa abakulumsebennzi labamankampani alungisa imitshina abayisebenzisayo ukwemba kanye lamacebo okusebenza okungela Ngozi, lempahla yokuvikela izisebenzi ukuthi zingalimaleli emsebenzini.

Umongameli Emnerson Mnangagwa ubikwa enguye ozavula okusemthethweni umbukiso walonyaka wezokwemba oweMine Entra koBulawayo, oqala mhlaka 20 Ntulikazi usiyaphela mhlaka 22. Amankampani adlula ikhulu lamatshumi amane-140 asephutshile ukubhalisela ukubukisa lonyaka. Abeza kulumbukiso ngabakulumsebenzi elizweni jikelele kanye labavela kwamanye amazwe agoqela oBhilithani, China leSouth Africablawo asebephutshile ukubhalisela ukubukisa kuMine Entra 2022.

Ingcwethi zezenotho zithi umsebenzi wokwemba lokwethekelelwa kwelizwe ngomunye wemisebenzi osuhamba phambili ekuletheleni ele Zimbabwe imali yakwamanye amazwe kanye lokuphathisa intuthuko yezomnotho, ngenzuzo efika phose isilinganiso esingamatshumi ayisithupha ekhulwini, 60 percent. Uhulumende uthi uyathokoza ngendlela ibhizimusi lezokwemba eliqhuba ngakhona ibhizimusi ezweni.

MINE ENTRA-NDLOVU-NDEBELE.mp3
please wait

No media source currently available

0:00 0:03:54 0:00

Facebook Forum

XS
SM
MD
LG