amalinks wokungena

Breaking News

Inhloko Zendaba Ntulikazi 06, 2022


Inhloko ZeNdaba

Endabeni zethu namhlanje……….

*** Abohlangothi olweNational TB Control bamanyane labeKhansili yakoBulawayo, ukusungula uhlelo lokuhamba behlola izakhamizi umkhuhlane wofuba lweTubercolosis. Lolu hlelo luzaqhutshwa okwensuku ezilitshumi ezilandelayo.

*** Umongameli Mokgweetsi Masisi wakweleBotswana uthi indlala yiyo ebangela ukuthi abeZimbabwe bedale amacala kwamanye amazwe, ikakhulu angomakhelwane. Uthi izijeziso zomnotho ezaphanyekwa eyinye inkokheli lamakampani eZimbabwe yizo ezidala ukuhlupheka kwabantu beZimbabwe.

*** Uzulu waseSouth Africa ube lombuthano womthandazo wokuvalelisana labasakhulayo, inengi labo kungabantwana besikolo, abangamatshumi amabili lanye abafele endaweni yokunathela utshwala kumaviki amabili edluleyo.

*** Kuhlelo lwezizalwane zeZimbabwe ezihlala kwamanye amazwe namuhla sixoxa loNkosikazi Siphiwe Mafu Sithole, odabuka eFilabusi esabelweni seMatabeleland South, osebenza kwele Ireland.

***KuLivetalk namhlanje, kuhlelo ‘Diaspora Forum’ sixoxa lezizalwane zeZimbabwe esezihlala kwamanye amazwe sikhangela inkinga ababhekane lazo.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG