amalinks wokungena

Breaking News

Izizalwane zeZimbabwe Ezihlala Emazweni Zisungula Amabhizimusi Ekhaya


Isikotsho.

Limisebenzi igoqela eyokwakha, ezempilakahle leminye.

Ezinye izizalwane zeZimbabwe ezihlala kwamanye amazwe, sezisebenzela ukuvula amabhizinisi ekhaya okusiza uzulu ezigabeni lapho ezidabuka khona.

Limisebenzi igoqela eyokwakha, ezempilakahle leminye.

Inengi lasebediniwe ngokusebenzela intuthuko yamanye amazwe lithi ikusasa likhaya abadabuka kulo yikho nje selizilungisela ukuyasungula ibhizimusi khonale.

Unkosazana Sthandazile Nkomo uhlala eManchester kweleBhilithane. Yenake uphatheka kakhulu ekutshayeni izitina zokwakha koBulawayo njalo selesikhathi esenza lumsebenzi.

"Mina ngaqala 2016 ngithole lomtshina lapha e United Kingdom owokwenza izitina for ama Contries anjenga wethu awe Afrika umtshina ongasebenzisi amagetsi, umtshina owenza okokwakha okutshiyeneyo okophahla, okokupheva, okwama jurawolu, okwama water tanks, izindlu zemakhaya," kutsho uMaNkomo.

Ngaphandle kokutshaya izitina zokwakha uMaNkomo sowavula inhlanganiso encedisa abesifazane labantwena abapphuma emulini eziswelayo ukuthi benze imsebenzi yezandla esiqintini seTsholotsho le Nyamandlovu, eye Empower Women and Children Organisation.

"Sizama ukuthi sibise imitshina, sizame lokuthi imitshina le incedise ukuthunga any mtshina nje ongayenza abantu sisebenze labantwana. So manje silama sowing machines lama computer siphe lakho lamabhayibhili lama wheelchair lakho konke nje okungancedisa ukudla. So manje sizama ukuthi sisebenze sibe leborehole ukuthi sizakhele okwethu sizilimele okwethu," kutsho uMaNkomo.

UNkosazana Quin Sowa wahlala edolobheni leLondon, eBhilithani okweminyaka. Okwamanje usevule inkampani yokuthi abagulayo abangamalunga ayo belatshwe kungela mbadalo ngoba bayabe bebhadala imadlana kuKampani yakhe yeRugare Hlalani Kahle Medical Aid ukuze ibancedise bangagula.

"Okwangithinta kakhulu Tshisa yikuthi ngo2020 ngagulelwa ngumntwana, ngabhadala ibill ye 25thousand eMata Dei ngazibuza ukuthi ngabe bengingelayo leyo mali kutshukuthi umntanami ubezahamba ngoba zonke izibhedlela esasamba kuzo babefuna imali up front," kutsho uSowa.

USowa uthi wethuka ngemali eyayifunwa yisibhedlela ukuthi kwelatshwe umntwana.

"Ngazibuzukuthi, pho umuntu, an ordinary citizen kutshukuthi ngeke uphile nxa ungela mali, yikho lapho engacabanga khona ukuthi ngifuna ukwenza iMedical Aid ezakwaniswa ngumuntu wonke, kumbe ngumuntu othengisa amatamatisi, kumbe ngumuntu ongumanager, kumbe ngumuntu othengisa iAirtime ngoba wonke umuntu ulelungelo lokuthi athole ukwelatshwa esibhedlela," kutsho uSowa.

Inengi lithi selifuna lalo ukuzohlala eZimbabwe, lifuna okokwenza ekhaya. Unkosazana Priscilla Nyathi uthi uthintekile ngokwenziwa ngama diaspora ekhaya.

"Ngyathaba kakhulu ngengubonileyo kusenzakala lapha koBulawayo eRugare Medical, Im very motivated, mbone kuyinto enhle kakhulu ebukekayo engenze lami ngifise ukuphenduke khaya ngizesukumisa indawo yakithi koBulawayo, ngifisa sibili ukuthi khona ngabe kuthwa sonke siyalandela okwenziwe nguQueen kuyabukeka kakhulu kuyasiphakamisa sonke njengabantu beDiaspora," kutsho uNyathi.

Behla bebanengi abeZimbabwe abahlala kwamanye amazwe bevula amabhizinisi abanye beqhuba inhlelo ezitshiyeneyo ezinceda umphakathi. Ezempilakahle ludubo oluhlangana labantu abanengi kweleZimbabwe ngoba izibhedlela labodokotela bafuna imali phambili umuntu engakelwatshwa.

please wait

No media source currently available

0:00 0:03:18 0:00

Facebook Forum

XS
SM
MD
LG