Ikhomidi yedale lephale ecubungula umvukela owenzakala kubalwa amavoti ngoZibandlela nyakenye iqhubeke ibuzisisa abafakazi izolo lapho okubukiswe imfanekiso yokwenzakalayo mhlaloko njalo kwethulwa lobufakaza ngabasebenza lowayengumongameli uMnu. Donald Trump ngenjongo yokuding ukuthi uTrump owayengumongameli wadlala ndima bani kuloludlakela.
Omunye owethule ubufakazi ngomfanekiso we video nguMnu. Pat Cipolonne owayeligqwetha lesigodlo se White House.
Abanye ababili abethule ubufakazi ngowayeyisikhulumeli senhlanganiso eyakhokhela umvukela lo, eye Oathkeepers, uJason Van Tatonhove ogcizilele osekukhulunywe ngabanye phambilini abathi mpela uTrum wakhuthaza loludlakela.
UStephen Ayres, utshele lelidale ukuthi konke abakwenzayo bakwenza bekhuthazwa ngamazwi kaTrump yena owatshotshozela ukuphikiswa kwempumela yokhetho umhla womvukela ungakafiki.
Umsekeli kamgcinisihlalo walikhomidi, uNkosikazi Liza Cheney, onguye yedwa ilunga lama Republicans kulikhomidi uthe kulobufakazi bokuthi uTrump wazama ukufonela omunye umfakazi owala ukwamukela ucingo lwakhe watshela amagqwetha akhe.
Ikhomidi le izaqhubeka ngeviki ezayo ngomsebenzi wayo.
Facebook Forum