Endabeni zethu namhlanje……….
*** Amapholisa athi akhathazekile ngokwanda kwezehlakalo zokubulalana kwabantu elizweni ngenxa yezizatho ezitshiyeneyo ezigoqela ubugebengu.
*** Unobhala jikelele enhlanganisweni emela ababalisi abafundisa emaphandleni ye Amalgamated Rural Teachers Union of Zimbabwe - ARTUZ, utholiswa ithuba lokuhlawulela isibambiso sebail senkulungwane ezingamatshumi yisithupha zamadola e Zimbabwe - ZW$60000.
*** Izitolo ezinengi ezithengisa ukudla lempahla etshiyeneyo koBulawayo, zithi sezingacina zivala ngoba abantu abanengi abasathengi kuzo bekhetha ukuthenga ezitaladeni lapho okulentengo ephansi.
*** Intengo yamafutha ezimota yehle kancane namuhla, kodwa ingcwethi zithi lokhu akusoze kubangele ukwehla kwentengo yezinto ezitolo. Ugatsha lweZimbabwe Energy regulatory Authority lwazise ukuthi i-liter yephethule yehle ngecent leMelika elilodwa isuka kuUS$1.77 yaya kuUS$1.76.
*** Kuhlelo lwezizalwane zeZimbabwe ezihlala kwamanye amazwe namuhla sixoxa loMnu. Sipho Ngulube, ozama ukulungisa amaphepha okuhlala kwele South Africa kulandela ukumiswa kohlelo lweSpecial Zimbabweans Exemption Permit.
***KuLivetalk namhlanje, kuhlelo ‘Diaspora Forum’ sixoxa labadabuka eZimbabwe asebehlala kwamanye amazwe sikhangela inkinga ababhekane lazo.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.