amalinks wokungena

Breaking News

Intengo Yamafutha Ezimota Yehlile Nge-2 Cents, Kodwa Ingcwethi Zithi Kufana Lokuthi Ayehlanga


Motorists wait to buy petrol in Harare, Zimbabwe, Oct. 8, 2018.

WASHINGTON DC - Intengo yamafutha ezimota yehle kancane ngoLwesithathu, kodwa ingcwethi kwezenotho zithi lokhu akusoze kubangele ukwehla kwentengo yezinto ezitolo.

Ugatsha lweZimbabwe Energy Regulatory Authority (ZERA) lwazise ukuthi i-liter yephethule yehle nge-cent leMelika elilodwa isuka kuUS$1.77 yaya kuUS$1.76.

Idizili yona yehle ngama-cents amabili isuka kuUS$1.88 isiya kuUS$1.86.

Kodwa ingcwethi kwezenotho uMnu Rejoice Ngwenya utshele iStudio 7 ukuthi sincane kakhulu isilinganiso sokwehla kwamafutha lesi njalo uthe lokhu akusoze kuphathise uzulu othwele nzima ngokudula kwezinto.

please wait

No media source currently available

0:00 0:02:41 0:00

Ezinye ingcwethi zithi ukuze kwenqatshelwe ukukhwela mahlayana kwentengo yezinto, uhulumende kumele amise ukusetshenziswa kwedola leZimbabwe kusebenze eleMelika kuphela lemali yakwamanye amazwe.

Kodwa umphathintambo wezemali uMnu Mthuli Ncube uthi lokho kungabangela ukuthi umnotho utshabalale ngamandla.

Facebook Forum

XS
SM
MD
LG