amalinks wokungena

Breaking News

Abathengisa Impahla Etshiyeneyo Emigwaqweni Sebewalahla Phansi Amavinkili Amakhulu koBulawayo


Abanye abantu abathengisa impahla etshiyeneyo emigwaqweni koBulawayo. (Umfanekiso: Ezra Tshisa Sibanda)

Izitolo ezinengi ezithengisa ukudla lempahla etshiyeneyo koBulawayo, zithi sezingacina zivala ngoba abantu abanengi abasathengi kuzo bekhetha ukuthenga ezitaladeni lapho okulentengo ephansi.

Abathengisa impahla emigwaqweni bathengisa ngemali yaphandle kwelizwe kukanti izitolo ezinkulu zibanjwa ngamandla ukuthengisa ngedola leZimbabwe elilesisindo esigugudeka nsukuzonke nxa liqathanisa leleMelika.

Ezitaladeni phose zonke zakoBulawayo abantu sokuyibunyonyo bethengisa ukudla okufana letshukela, Impuphu, amafutha layo yonke impahla edingakalayo empilweni yansuku zonke. Inengi labathengi selithenga khona ngoba lithi kuyathengeka kulemavinkilini amakhulu.

UMnu. Tshaka Moyo, ohlala elokitshini leCowdray Park koBulawayo, uyafakaza.

"Phandle sojungcono compared to ama supermarket. Ama supermarket sedula okunye okunzima ama-price angakhona vele akusathengeki ngitsho sokuyi RTGS yonaleyi besenza nge-black market rate futhi, lanxa ule card langakhona vele uzama ukuthenga akulanto vele ophuma layo. So, sesizithengele phandle lapha emalokhuzenini, emashop lokhu okuphandle lokhu kungcono kakhulu, kuyathengeka."

Isinkwa laso sithengiswa phandle. UMnu. Max Mpofu, ohlala Emakhandeni, usithenge ngoLwesithathu.

"Hayi sibili kunzima kakhulu mina ngizobeka umzekeliso ngesinkwa. Uyabona isinkwa sesidula kabi emashop. Ngikhuluma ngokuthi sibiza $1 and 5 rand eshop, phandle siyi $1. Itshukela iyi $2 and five rand, phandle iyi $2."

Kugcalwa abantu abanengi bezothenga kucine kungahambeki edolobheni lakoBulawayo imgwaqo yonke sokufakwe amavinkili kazulu. UMnu. Zibusiso Sibanda uyakuthakazelela lokho.

"Igrocery phandle itshiphile kulaphakathi lawe nxa uthenga even lamarates angakhona kuyabe kutshiyene. Phandle kukahle ngoba emashop vele akuyenzi kuyadula even lama rentals angakhona ayadula even lezinto zangakhona ziyadula, konke kuyadula. So, phandle mbona yikho lapho okungcono khona. Ah! Ungaswelani uthola konke, mpuphu, tshukela, mahlamvu, awuboni lezigqoko sesithenga phandle.”

UNkosazana Caro Nkomo uyasebenza kodwa uhola imali yakhe ngemali yeZimbabwe amaRTGS. UThi kabasoli abathengisa phandle.

"Ngoba phandle izinto zi-cheaper and phandle akula ma-queues. Abantu bahamba besiyawoda ngeRTGS hanti ngoba abantu abanengi bahola iRTGS. So, abanye abanengi khonapha bayabe bene connection labantu bonalaba abahola iRTGS. So, baya prefer ukuthi anike umuntu lwana ahambe aye swayipha izinto ngamacards abo hanti, so that umuntu lwana abuye azothengisa maybe nge price ephansi maybe less than nge20 cents or 40 cents or 30 cents so that bathole iUS dollar."

Abamabhizinisi amakhulu athengisa ukudla bayakhala kukanti abanye babo bathi bazacina bevala ngoba akuselabathengi. UNkosazana Mildred Nsingo wako OK Supermarket koBulawayo.

“Into esikhona kulezinsuku yikuthi ibusiness is very low. Abantu these days sebe lesystem yokuthenga ngelokhuzeni, ngeswipe besiyathengisa phandle besenzela ukuthi bathole ama US dollar lama rands, so its now affecting us as the community factor. Bussiness these days is very low.

“Iqiniso elikhona yikuthi singaqhubeka kunje, abantu besiyathengisa phandle, amabusiness amanengi azavalwa ngoba njengakhathesi so business is very low otherwise abantu abanengi bazalahlekelwa yimisebenzi, labantu azoze bekwanise ukuthi baqhubeke nge the daily standard cause these days the business is actually very low due to the system yokuthi abantu bathengisa phandle befuna ama rand lamadollar.

Ukugugudeka komnotho kuyaphambili kwele Zimbabwe, abamabhizimisi sebezenzela umathanda bekhweza intengo yokudla mahlayana osokwenze uhulumende wakhipha umbiko wokuthi uzajezisa abenza njalo.

Umphathintambo wezamabhizinisi lokuthengiselana, uNkosikazi Sekai Nzenza, ngoLwesibili utshele iphephandaba leChornicle ukuthi abamabhizinisi okuthenga lokuthengisa kumele bahlangane bakhulumisane ukuze intengo yezinto yehle.

Facebook Forum

XS
SM
MD
LG