amalinks wokungena

Breaking News

Sebethwalise Nzima uJob Sikhala Webandla leCitizens Coalition for Change


UNkosikazi Beatrice Mtetwa, igqwetha lika Mnu. Job Sikhala baxoxa lentathelizindaba uHopewell Chin'ono labanye.

UMnu. Job Sikhala, omunye wabakhokhela ibandla leCitizens Coalition for Change (CCC), umiswe emthethwandaba ngoLwesithathu esetheswa icala lokuvimba amapholisa ukuba eqhube umsebenzi ngemfanelo.

Umantshi eRotten Row Court uthe uSikhala kumele aphenduke emthethwandaba ngoLwesine.

Amapholisa athi uSikhala, obhekane lelinye icala lokutshotshozela udlakela, wethula umbiko kumabonakude esithi amalunga ebandla leZanu PF abulala, uNkosikazi Moreblessing Ali, eNyatsime.

Abakade besemthethwandaba abagoqela omunye wabasekeli besikhulumeli seCCC, uMnu. Ostalos Gift Siziba, basole kakhulu indlela uSikhala alethwe ngayo emthethwandaba kaMantshi.

Amagqwetha amela uSikhala kuloludaba awenhlanganiso yeZimbabwe Lawyers for Human Rights, Jeremiah Bamu loNkosikazi Beatrice Mthethwa, bathi osekusenziwa ngamagqwetha kahulumende kuyikwehlukanisa umthetho munye.

UBhamu uthi amagqwetha kahulumende la athembela kuvidiyo inye abayisebenzizisa ngesikhathi ebotshwa uSikhala ngenyanga ephelileyo.

USikhala ubotshwe loMnu. Godfrey Sithole, omela isigaba seChitungwiza North edale lephalamende.

Idale leHigh Court layala ukuba behlawule isibambiso sebail.

Facebook Forum

XS
SM
MD
LG