amalinks wokungena

Breaking News

Izakhamizi zeGungwe eGwanda South Zithwele Amagabha Avuzayo Ngodubo Lwamanzi


Izakhamizi zeGungwe, eGwanda South, zikhala ngokusilela kwamanzi kulandela ukudubuka kwedamu lokutsha kwezikotsho.

GWANDA - Izakhamizi zeGungwe, eGwanda South, zithi sezithwele amagabha avuzayo ngenxa yodubo lwamanzi.

Idamu leGungwe belisiza kakhulu izakhamizi zikaWard 12 eziqintini ezibalisa iGungwe, iMalitlou, iMafuko kanye leMawaza ngamanzi ezifuyo kanye lawokulima ngokuthelezela.

Kodwa selokhu lelidamu lidubuke ngemva kokuna kwezulu elikhulu ngomnyaka ka2017, inengi lezakhamizi lithi seliphila nzima ngenxa yokuswelakala kwamanzi kulesisigaba.

UNkosikazi Rosina Dale uthi ngaphandle kodubo lwamanzi sebehlupheka ngezitshebo ngoba abasenelisi ukulimi izivande ngokuthelezela.

Esinye njalo isakhamuzi uMnu Thembinkosi Nyathi uthi loba iziphathamandla zikahulumende zifika kulelidamu akula osekwenziwe ukulilungisisa.

Isikhulumeli sogatsha olubona ngamadamu lamanzi olweZimbabwe National Water Authority, uNkosikazi Majorie Munyonga kaphendulanga imibuzo esimthumele yona.

Lanxa idamu leTuli-Manyange likhangelelwe ukuqeda udubo lwamanzi eGwanda South, iZinwa ithi lizaphela ukwakhiwa ekupheleni komnyaka ozayo.

please wait

No media source currently available

0:00 0:03:14 0:00

Facebook Forum

XS
SM
MD
LG