Inhlanganiso ezitshiyeneyo zithi ziyakusekela okufiswa nguzulu othi kumele abantu betshengisele emigwaqweni ngoba sebethwele nzima eZimbabwe ngenxa yokukhahlanyezwa kwabaphikisayo nguhulumende kaMongameli Emmerrson Mnangagwa njalo lesimo esibi somnotho elizweni.
Kubikwa ukuba inhlanganiso yeCrisis in Zimbabwe Coalition izakhokhela okufiswa nguzulu ukwenzela ukulungisa okunye okuhlupha abantu elizweni.
UMnu. Japhet Moyo, okunhlanganiso yezisebenzi eyeZimbabwe Congress of Trade Unions, uthi bayakusekela okufiswa yizisebenzi.
Lokhu kusekelwa nguMnu. Effie Dlela Ncube olwela ilungelo loluntu, othi isisekelo sombuso welizwe sivumela abantu ukuba betshengisele ngokuthula.
UMnu. Mqondisi Moyo, umkhokheli webandla leMthwakazi Republic Party, uthi kunengi okubahluphayo ngakho-ke bona abalani lalokhu.
UMnu. Believe Gaule, okubandla leZanu PF, uthi kuyamangalisa ukuba inhlanganiso yeCrisis in Zimbabwe Coalition ifuna ukukhokhe
Bayakhala abongi, ababalisi lezisebenzi ezinengi eZimbabwe ezithi impilo inzima okwamangama ngoba impahla ezitolo ithengiswa ngedola leMelika kodwa bona behola idola leZimbabwe.